Բազմանկյան մակերեսը — դաս։ Երկրաչափություն, 8-րդ դասարան.

Բազմանկյան մակերեսը

Բազմանկյան մակերեսը հարթության այն մասն է, որը զբաղեցնում է բազմանկյունը:

Մակերեսի չափումը իրականացվում է զբաղեցրած մասի համեմատման միջոցով` չափման որոշ միավորների հետ:

Որպես մակերեսների չափման միավոր ընդունվում է այն քառակուսին, որի կողմը հավասար է հատվածների չափման միավորին: Այսպես, եթե հատվածների չափման միավոր ընդունված է սանտիմետրը, ապա որպես մակերեսների չափման միավոր ծառայում է \(1\) սմ կողմով քառակուսին: Այդպիսի քառակուսին կոչվում է քառակուսի սանտիմետր և նշանակվում է

{սմ}^{2}

Քառակուսու մակերեսը հավասար է նրա կողմի երկարության քառակուսուն:

Անհրաժեշտության դեպքում, մակերեսի չափման մեծ միավորը բաժանվում է փոքր միավորների: Օրինակ՝

\begin{array}{l} 1 {սմ}^{2} = 10 մմ \cdot 10 մմ = 100 {մմ}^{2} \\ 1 մ^{2} = 100 սմ \cdot 100 սմ = 10000 {սմ}^{2} \\ 1 {կմ}^{2} = 100000 սմ \cdot 100000 սմ = 10000000000 {սմ}^{2} \end{array}

Մակերեսի հատկությունները:

1. Հավասար բազմանկյունների մակերեսները հավասար են:

2. Եթե բազմանկյունը կազմված է մի քանի բազմանկյուններից, ապա նրա մակերեսը հավասար է այդ բազմանկյունների մակերեսների գումարին:

Եթե բազմանկյունների մակերեսները հավասար են, իսկ բազմանկյունները հավասար չեն, ապա նրանք կոչվում են հավասարամեծ:

Նկարում բերված են երեք հավասարամեծ ուղղանկյուններ, որոնց մակերեսները հավասար են \(12\) քառակուսի միավորի:

Ուղղանկյան մակերեսը հավասար է նրա կից կողմերի արտադրյալին:

Աղբյուրները

Լ.Ս. Աթանասյան, Վ.Ֆ. Բուտուզով, Ս.Բ. Կադոմցև Է.Գ. Պոզնյակ, Ի.Ի..Յուդինա: Երկրաչափություն 8-րդ դասարան, Երևան, "Զանգակ 97", 2007:

Վերադառնալ թեմային

Հաջորդ առաջադրանքը

Գրեք մեզ

Սխա՞լ ես գտել

Տեղեկացրու մեզ

1. Բազմանկյան մակերեսը

Տեսություն