1. Ճնշում, ճնշման ուժ: Պինդ մարմինների ճնշումը

Բազմաթիվ դիտումները և փորձերը ցույց են տալիս, որ մարմնի վրա ուժի ազդեցության արդյունքը կախված է ոչ միայն նրա մակերևույթին ազդող ուժի մեծությունից, այլև այն մակերևույթի  մակերեսից, որի վրա ազդում է ուժը, իսկ ավելի ճիշտ` ճնշման ուժի և այդ մակերեսի հարաբերությունից:

Եթե ճնշումը նշանակենք \(p\), մակերևույթի մակերեսը` \(S\), իսկ ճնշման ուժը` \(F\), ապա սահմանման համաձայն.

$P=\frac{F}{S}$
Քանի որ միավորների ՄՀ -ում ուժն արտահայտվում է նյուտոններով, իսկ մակերեսը՝ քառակուսի մետրերով, ապա ճնշման միավորը կլինի  1$\frac{\text{Ն}}{{\text{մ}}^2}$ -ը:

 Ի պատիվ ֆրանսիացի գիտնական Պասկալի՝ այդ միավորը կոչվում է պասկալ՝
 1 Պա = 1$\frac{\text{Ն}}{{\text{մ}}^2}$