1. Ազատ անկում: Ազատ անկման արագացում

Դիցուք մարմինն ազատ անկում է կատարում \(H\) բարձրությունից: Որոշենք անկման սկզբից \(t\) ժամանակ անց նրա արագությունը, անցած ճանապարհը և գետնից ունեցած բարձրությունը:
Տվյալ դեպքում մարմնի շարժումը դադարի վիճակից հավասարաչափ արագացող է, հետևաբար նրա արագությունը և անցած ճանապարհը կարելի է որոշել հավասարաչափ արագացմամբ շարժվող բանաձևերով՝ $v=\mathit{at}$, $S=\frac{a{t}^2}{2}$ դրանց մեջ \(a\)-ն փոխարինելով \(g\)-ով. $v=\mathit{gt}$, $\text{հ}=\frac{g{t}^2}{2}$

 

Այժմ պարզենք, թե որքան ժամանակում մարմինը կհասնի գետնին, և ինչ արագություն կունենա գետնին հարվածելու պահին:

Գետնին հարվածելու $t_1$ պահին \(S = H\)  (կամ որ նույնն է \(h = 0\)): Հետևաբար վերը նշված հավասարումից կստանանք, որ վայրէջքի ժամանակը՝

 

$t_1$-ի արժեքը տեղադրելով արագության բանաձևի մեջ՝ կստանանք մարմնի արագությունը գետնին հասնելու պահին.

 

$v_0$ սկզբնական արագությամբ ուղղաձիգ դեպի վեր նետած մարմնի շարժման դեպքում (տե՛ս նկարը) մարմնի արագացումն ուղղված է շարժման հակառակ ուղղությամբ, հետևաբար այն հավասարաչափ դանդաղող է: Մարմնի արագությունն աստիճանաբար նվազում է և հետագծի ամենաբարձր կետում դառնում զրո:

 

Հետևաբար, դանդաղող շարժման արագության \(v = v0 – at\) բանաձևում տեղադրելով \(v = 0\) և  \(a = g\), կստանանք. \(0 =\) $v_0$ – \(g\)$t_2$, որտեղ $t_2$-ը վերելքի ժամանակն է: Այսպիսով՝ $t_2=\frac{v_0}{g}$
Վերելքի առավելագույն բարձրությունը կարող ենք գտնել՝  $S=\frac{a{t}^2}{2}=\frac{v_0^2}{2a}$ բանաձևում տեղադրելով \(t =\)$t_2$ և  \(a = g\)