1. Հոսանքի աշխատանքը և հզորությունը

Էլեկտրական հոսանքն օժտված է էներգիայով, որի հաշվին նա կարող է աշխատանք կատարել: Հոսանքի կատարած աշխատանքի շնորհիվ էլեկտրական էներգիան փոխակերպվում է էներգիայի այլ տեսակների: Օրինակ՝ ջեռուցիչ սարքերում էլեկտրաէներգիան փոխակերպվում է ջերմային էներգիայի, էլեկտրաշարժիչում՝ մեխանիկական էներգիայի, էլեկտրոլիզի ժամանակ՝ քիմիական էներգիայի և այլն:

 

                      

 

Ենթադրենք սպառիչ (լամպ, ջերմատաքացուիչ, էլեկտրաշարժիչ) պարունակող շղթայի տեղամասում լարումը \(U\) է, հոսանքի ուժը \(I\) և \(t\ \)ժամանակամիջոցում նրանով անցել է \(q\) լիցք: Լարման սահմանումից հետևում է, որ $A=q\cdot U$, իսկ քանի որ հաստատուն հոսանքի դեպքում  $q=I\cdot t$ , ապա՝  $A=U\cdot I\cdot t$ (1): Այսինքն.

Աշխատանքի այս (1) բանաձևը թույլ է տալիս որոշել հոսանքի կատարած աշխատանքը, անկախ այն բանից, թե այդ հոսանքի էներգիան էներգիայի ի՞նչ տեսակների է փոխակերպվել՝ ջերմային, մեխանիկական, թե քիմիական:

 

Միավորների ՄՀ-ում հոսանքի աշխատանքը արտահայտում են ջոուլով (Ջ)

Եթե \(t \) ժամանակում հոսանքը կատարում է  \(A\) աշխատանք, ապա $P=\frac{A}{t}$ (2): Հաշվի առնելով աշխատանքի (1) բանաձևը կստանանք $P=U\cdot I$ (3)

Օգտվելով Օհմի օրենքից (3) բանաձևը կարելի է ներկայացնել հետևյալ տեսքով  $P=\frac{U^2}{R}$ և $P=I^2\cdot R$

 

Միավորների ՄՀ-ում հզորությունն արտահայտվում է վատտով (Վտ). $1\text{Վտ}=1\text{Ջ}/\text{վ}$

  

Կենցաղում հոսանքի աշխատանքը չափում են Էլեկտրական հաշվիչ կոչվող հատուկ սարքով: Այս դեպքում գործածվում է հոսանքի աշխատանքի արտահամակարգային միավորը՝ \(1\)ԿՎտ·ժ