Ի՞նչ է համացանցը: Համացանցը իրար հետ համագործակցող համակարգչային ցանցերի միացություն է, ինֆորմացիոն-հաշվողական պաշարների օգնությամբ տեղեկատվության փոխանակման համաշխարհային գլոբալ համակարգ է:
Եթե փորձենք Համացանցում ներառված համակարգիչների միջև առկա կապի գծերը պատկերացնել, ապա այն նման կլինի սարդոստայնի։ Այստեղից էլ առաջացել է Համաշխարհային սարդոստայն (\(World\) \(Wide\) \(Web\) - \(WWW\)) անվանումը։
Համաշխարհային սարդոստայնը համակարգ է, որը հնարավորություն է տալիս օգտվել Համացանցին միացված համակարգիչներում պահպանվող էլեկտրոնային փաստաթղթերից։
Այդ էլեկտրոնային փաստաթղթերը կարող են պարունակել տեքստեր, էլեկտրոնային աղյուսակներ, գրաֆիկական պատկերներ, տեսահոլովակներ և այլն։
Հաճախ էլեկտրոնային փաստաթղթերում որոշակի լուսանկարներ, տերմիններ, անվանումներ, հիմնական տեքստից տարբերվող ընդգծված բառեր կամ այլ բաղադրիչներ են ընդգրկված լինում, որոնց շրջակայքում մկնիկի կուրսորը ձեռքի (
) տեսք է ստանում։ Էլեկտրոնային փաստաթղթերում առկա նման հատվածներն անվանում են հիպերհղումներ։
) տեսք է ստանում։ Էլեկտրոնային փաստաթղթերում առկա նման հատվածներն անվանում են հիպերհղումներ։ Հիպերհղումներ պարունակող էլեկտրոնային փաստաթղթերն անվանում են հիպերտեքստային փաստաթղթեր:
Հիպերտեքստային էլեկտրոնային փաստաթղթեր ստեղծելու համար հատուկ միջոցներ կան, որոնցից լայնորեն կիրառվում է \(HTML\)–ը՝ հիպերտեքստային նշագրման լեզուն։ Այս լեզվի օգնությամբ հետագայում կսովորենք \(WEB\)– էջեր ստեղծել։
Հիպերտեքստային կազմությամբ փաստաթղթերը կոչվում են \(WEB\)–էջեր, իսկ իրար հետ հիպերհղումներով փոխկապակցված \(WEB\)–էջերի միասնությունը՝ \(կայք\)\((site)\)։
Ցանկացած կայք իր հերթին կարող է այլ կայքերին ուղղված հիպերհղումներ պարունակել։ Կայքը կարող է ցանկացած քանակությամբ \(WEB\)–էջեր պարունակել և նույնիսկ այնպիսիք, որոնք իրար հետ կապ չունեն։ Կայքում ընդգրկված էջերից մեկը համարվում է, այսպես կոչված, վերնագրային էջ. կայք փնտրելիս դիմում են հենց այդ էջին։ Վերնագրային էջը հիմնական պատկերացում է տալիս կայքում եղած էջերի բովանդակության վերաբերյալ:
Ուշադրություն
\(WEB\)-Էջը բեռնավորելիս առաջին հիպերհղումն ավտոմատ ընդգծվում է։ Դրան հաջորդող հիպերհղումներին կարելի է անցնել նաև \(Tab\) ստեղնի միջոցով։
Ընթացիկ հիպերհղումից նախորդող հիպերհղումներին կարելի է անդրադառնալ \(Shift\) և \(Tab\) ստեղների համատեղ սեղմումով։
Աղբյուրները
Ս. Ս. Ավետիսյան, Ս. Վ. Դանիելյան, Ինֆորմատիկա 7-րդ դասարան, Երևան 2012