Բազմապատկման գրառումը սյունակով

Կատարենք \(432 · 2\) եռանիշ և միանիշ թվերի բազմապատկումը սյունակով:

Վերևի տողում գրում ենք մեծ թիվը՝ եռանիշը, իսկ ներքևում՝ փոքրը՝ միանիշը: Միանիշ թիվը գրում ենք եռանիշ թվի միավորների թվանշանի տակ:

\begin{array}{l} 432 \\ \times \\ \underline{2} \\ 4 \\ + 60 \\ \underline{800} \\ 864 \end{array}

Վերևի բազմապատկման ժամանակ կատարեցինք հետևյալ քայլերը:

ա. \(432\) թիվը ներկայացրեցինք կարգային գումարելիների գումարի տեսքով՝ \(432 = 400 + 30 + 2\):

բ. ապա \(2\) միանիշ թիվը հերթով բազմապատկեցինք գումարելիներից յուրաքանչյուրով

գ. վերջում գումարեցինք ստացված արդյունքները

Կարճ նկարագրվածը գրում ենք այսպես՝

\begin{array}{l} 432 \\ \times \\ \underline{2} \\ 864 \end{array}

1. Սկզբում \(2\)-ը բազմապատկում ենք եռանիշ թվի միավորների թվանշանով՝ \(2\)-ով:

Արդյունքը` \(4\)-ը գրում ենք գծի տակ՝ միավորների թվանշանի տակ:

2. Ապա \(2\)-ը բազմապատկում ենք եռանիշ թվի տասնավորների թվանշանով՝ \(3\)-ով:

Արդյունքը` \(6\)-ը գրում ենք գծի տակ՝ տասնավորների թվանշանի տակ:

3. Հետո \(2\)-ը բազմապատկում ենք եռանիշ թվի հարյուրավորների թվանշանով՝ \(4\)-ով:

Արդյունքը` \(8\)-ը գրում ենք գծի տակ՝ հարյուրավորների թվանշանի տակ:

Աղբյուրները

Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014:

Սխա՞լ ես գտել

1. Բազմապատկման գրառումը սյունակով