Համաչափ պատկերներ — դաս։ Մաթեմատիկա, 3-րդ դասարան.

Համաչափ պատկերներ

Նայիր ֆուտբոլի դաշտի այս նկարին:

Ֆուտբոլի դաշտի կենտրոնական գծից ձախ և աջ ընկած մասերը իրար շատ նման են:

Եթե այս նկարը ծալենք կենտրոնական գծի երկայնքով, ապա նրա ձախ և աջ մասերը կհամընկնեն: Այս դեպքում ասում են, որ պատկերը համաչափ է:

Ընդհանուր սահմանումն այսպիսին է.

Եթե պատկերը որևէ ուղղի երկայնքով ծալելիս նրա ձախ և աջ մասերը համընկնում են, ապա ասում են, որ պատկերը համաչափ է այդ ուղղի նկատմամբ:

Ուղիղն այդ դեպքում անվանում են համաչափության առանցք:

Այս երեք լապտերներից յուրաքանչյուրը համաչափ է ուղղահայաց սյան նկատմամբ:

Լավ հասկանալու համար համաչափությունը, նայիր նաև այս ոչ համաչափ լապտերներին:

Աղբյուրները

Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014:

Սխա՞լ ես գտել

1. Համաչափ պատկերներ