Տեսություն

Գրատախտակի մոտ պատասխանելու հոգեբանական արգելքների հաղթահարում ԻմԴպրոցի օգնությամբ
Հայտնի է, որ սովորողների որոշ մասը դասի ժամանակ հաճույքով չի պատասխանում գրատախտակի մոտ։ Հաճախ պատճառը հասարակական ելույթների և գնահատականների նկատմամբ վախն է։ 
 
Գրատախտակի մոտ պատասխանելու բարդություններ, որպես կանոն, ունենում են երկու տիպի սովորողներ․
  • բացասական փորձը վերապրած, տանը և դպրոցում սակավ աջակցություն և դրական գնահատական ստացած և արդյունքում իրենց ուժերին անվստահ, «հերթական» տապալումից վախեցող;
  • նրանք, ում տանը չափազանց հաճախ են գովում, բարձր ինքնագնահատականով սովորողները, որոնց համար «տապալում» նշանակում է ցանկացած ոչ կատարյալ պատասխանը։
Ուսուցչի խնդիրն է հնարավորինս օգնել այդպիսի աշակերտներին հավասարակշռություն գտնել, հաղթահարել վախերը և ներքին դիմադրությունները։
  • Ցածր ինքնագնահատականով աշակերտին ներշնչել վստահություն իր նկատմամբ, ամրապնդել հաջողության զգացողությունը։ 
  • Բարձր ինքնագնահատականով աշակերտին մեղմորեն, սակայն հետևողականորեն ցույց տալ օբյեկտիվ գնահատականը և բացատրել, որ կյանքում ամեն ինչ կատարյալ չէ և յուրաքանչյուր սխալի վրա կարելի է աշխատել՝ լավագույն արդյունքի հասնելու համար։
ԻմԴպրոց կայքը ուսուցչին օգտակար, օժանդակող գործիք է սովորողների նկատմամբ անհատական մոտեցում ցուցաբերելու համար։
 
2zakompom.png
Ինչպե՞ս է օգնում ԻմԴպրոց կայքը սովորողներին և ուսուցչին դասարանում աշխատանքի ժամանակ
  • ԻմԴպրոց կայքում առաջադրանք լուծելիս սովորողն անմիջապես տեսնում է իր արդյունքը, որը համակարգն ինքնեկ հաշվել է։ 
     
  • Գնահատականը (միավորների քանակը, ստուգված է/ստուգված չէ) օբյեկտիվ է և կախված չէ ո՛չ ուսուցչից, ո՛չ շրջակա միջավայրից։ Այսպիսով, ժամանակի ընթացքում սովորողն ավելի հաճույքով է գնում ինքնաստուգման։ 
     
  • Եթե սովորողը սխալ է լուծել առաջադրանքը, ապա նա անմիջապես տեսնում է, թե որտե՞ղ է սխալ թույլ տվել։ Լուծման քայլերի շնորհիվ (Իմ+ բաժանորդագրության շրջանակներում) նա կարող է դասարանի հետ միասին վերլուծել լուծման ընթացքը և հասկանալ, թե ինչպես ուղղել սխալը։
Снимок81.JPG
 
Снимок82.JPG
  • Հաճախ սովորողը սխալվում է միայն առաջին անգամ՝ հուզմունքից։ Լուծման քայլերը վերլուծելուց հետո նրան տվեք ուղղվելու և առաջադրանքը կրկին կատարելու հնարավորություն։
Ուսուցիչները նշում են․
Շատ կարևոր է, որ աշակերտները ոչ միայն տեսնում են իրենց արդյունքները, այլ նաև կարող են ազդել դրանց վրա և, անհրաժեշտության դեպքում, փոփոխել գնահատականը։
  • Եթե աշակերտը ճիշտ է կատարել առաջադրանքը, ապա համակարգի կողմից անմիջապես ստանում է դրական գնահատական, ինչը ամրագրվում է կայքի տեսանելի ձևավորման մեջ։ Աստիճանաբար նվազում կամ իսպառ վերանում է անհաջողության նկատմամբ վախը։ Տարբեր պատճառներով իր ուժերին անվստահ աշակերտը սովորում է իրեն օբյեկտիվ գնահատել, դառնում է ուսումնառության նկատմամբ առավել մոտիվացված։ 

    Снимок83.JPG
  • Համագործակցեք դասարանի հետ, քանի որ համադասարանցիների աջակցությունը ևս նշանակություն ունի։ ԻմԴպրոցը, ինչպես նաև մյուս ինտերակտիվ տեխնոլոգիաներից շատերը, աշակերտների մոտ հետաքրքրություն է առաջացնում, նրանք ավելի քիչ են շեղում ուշադրությունը և ավելի շատ են հետևում գրատախտակի մոտ տեղի ունեցածին՝ ընթացքում յուրացնելով և ամրապնդելով նյութը, ինչպես նաև աջակցելով դասը պատասխանողին
Օրինակ
Դասերի ժամանակ Արամը ցուցադրաբար պասիվ էր, ուսուցչի դիտողություններին չէր արձագանքում, իսկ գրատախտակի մոտ կանչելն ընդունում էր որպես անձնական վիրավորանք։
 
Ուսուցիչը նրա մոտ նկատեց բացասական ուսումնական փորձի առկայություն և փորձեց Արամին ցույց տալ իր համար նոր ուսումնական միջավայրում արդյունավետ լինելու հնարավորությունը։ Մի անգամ ուսուցչին հաջողվեց ԻմԴպրոց կայքի օգնությամբ կազմակերպված դեմ առ դեմ հարցման ժամանակ Արամին ցույց տալ իր նոր հնարավորությունները, երբ նա գրատախտակի մոտ հաջողությամբ լուծեց առաջադրանքը և ԻմԴպրոց-ում ստացավ իր առաջին բարձր գնահատականը։
 
Ի զարմանս ուսուցչի՝ նույնիսկ գրանցումից հետո Արամը բավարար ակտիվություն չէր ցուցաբերում և առաջվա պես շարունակում էր հրաժարվել լուծել ԻմԴպրոց կայքի առաջադրանքները։ Նրան ժամանակ էր պետք, որպեսզի հաղթահարեր անհաջողության նկատմամբ վախը։
 
Եվ ահա հաղթանակը։ ԻմԴպրոց կայքով տրված ավագ դասարանների մաթեմատիկայի ամենադժվար թեմաներից մեկի՝ «Ածանցյալ» թեմայի վերաբերյալ ստուգողական աշխատանքի ժամանակ Արամը ստացավ ինքն իրեն հաղթահարելու առաջին փորձը՝ ստուգողական աշխատանքի համար ստանալով ԼԱՎ գնահատական։ Նա մոտեցավ ուսուցչին՝ ժպտալով և իր հեռախոսի մեջ ցույց տվեց իր առաջին դրական գնահատականը։ Ողջ դասարանը ծափահարում էր Արամին։
  • Հանդիպում են նաև վախին հակառակ իրավիճակներ․ սովորողները զգում են «անավարտություն» և հիասթափություն, եթե նոր թեմայի յուրացման և ամրապնդման ժամանակ նրանց չեն կանչում գրատախտակի մոտ։ Արդյունքում նվազում է մոտիվացիան․ «Ինչո՞ւ սովորել, եթե չեն կանչում»։ Հասկանալի է, որ ուսուցչի ժամանակը սահմանափակված է ուսումնական պլանով, սակայն սովորողներին ուշադրություն է պետք։
Արդի տեղեկատվական հաղորդակցական տեխնոլոգիաներն ուսուցչին հնարավորություն են տալիս մեկ ակադեմիական ժամի ընթացքում անհատապես ստուգել յուրաքանչյուր աշակերտին և անմիջապես ստանալ դասարանի օբյեկտիվ պատկերը։
 
Ուսուցիչները նշում են․
«Իմ+ բաժանորդագրությունն» ունի ևս մեկ առավելություն․ գործնական աշխատանքի առաջընթաց և բազմակողմանի տարբերակման պայմաններում աշխատանք, չէ՞ որ յուրաքանչյուր աշակերտ առաջադրանքը լուծում է ըստ անհատական մոտեցման, իսկ դա հնարավորություն է տալիս միանգամից գնահատել յուրաքանչյուր աշակերտի կողմից նոր նյութի յուրացման որակը։
  • Իրականում, սկսած միջին և նույնիսկ կրտսեր դպրոցից, ԻմԴպրոց կայքում աշխատանքն օգնում է հաղթահարել ոչ միայն գրատախտակի մոտ պատասխանելու վախը։ Արդյունքում, ԻմԴպրոց-ը սովորողների մոտ ձևավորում է ինքնավերահսկողության, պատասխանատվության հատկանիշներ և ձերբազատում է կենտրոնացված աշխատանքների ընթացքում առաջացած ավելորդ վախերից։
Իհարկե՛, յուրաքանչյուր դասարան և յուրաքանչյուր սովորող անհատականություն է։ Երբեմն վախերի հաղթահարման գործընթացը շատ դժվար է լինում։ Մենք աշխատում ենք մեր հնարավոր ներդրումն ունենալ և ուսուցչին առաջարկում ենք աշակերտների հետ աշխատանքի մի շարք եղանակներ։
  • Արժեքավոր փորձը Ձեր գործընկերների փորձն է և հաջողության կենդանի պատմությունները։ Դուք կարող եք դրանց հետ ծանոթանալ «ԻմԴպրոց կայքի օգնությամբ դասավանդման մեթոդաբանությունը» թեմայում, որտեղ աստիճանաբար ավելացվում են նոր պատմություններ և խորհրդատվություններ։  
     
  • Մոտիվացիոն աշխատանքի վերաբերյալ առավել մանրամասն կարելի է իմանալ «Աշակերտի մոտիվացիոն գործունեությունը և անհատական աշխատանքը» (թեման մշակման փուլում է) թեմայում։
28070421_981414618664139_4092150399923586249_o.jpg