Մեթոդական հանձնարարականներ
Տեսություն
| Թիվ | Անվանումը | Նկարագրություն |
|---|---|---|
| 1. | Բառ | Ի՞նչ է բառը |
Առաջադրանքներ
| Թիվ | Անվանումը | Տիպը | Բարդությունը | Միավորներ | Նկարագրություն |
|---|---|---|---|---|---|
| 1. | Գտի՛ր սխալը | 1 տեսակ - ճանաչողական | հեշտ | 1Մ. | Տրված են հետաքրքիր նկարներ, որոնք բավականին անհեթեթ են: Այդ անհեթեթությունը նկատելու համար երեխայից պահանջվում են ճանաչողական գիտելիքներ, դիտունակություն: Երեխան նշում է անհեթեթություն պարունակող նկարը: |
| 2. | Նշի՛ր նկար-բառը | 3 տեսակ - վերլուծական | հեշտ | 2Մ. | Նախադասությունը վերլուծելու և նրա բաղադրիչները դիտարկելու միջոցով աշակերտներին գաղափար է տրվում բառի մասին՝ որպես նախադասության բաղադրիչ մաս և որպես որևէ կոնկրետ իմաստ արտահայտող առանձին լեզվական միավոր: Ուշադիր դիտելով՝ երեխան նշում է այն նկար-բառը, որն առանձնացվել է նկար-պատմությունից: |
| 3. | Ո՞ւմ է պատկանում առարկան | 1 տեսակ - ճանաչողական | հեշտ | 1Մ. | Իր կենսափորձի հիման վրա, ինչպես նաև կիրառելով ճանաչողական գիտելիքները, երեխան պետք է նշի, թե տրված առարկան նշված մարդկանցից ո՞ւմ կարող է պատկանել: |
| 4. | Նշի՛ր «ավելորդը» | 3 տեսակ - վերլուծական | միջին | 3Մ. | Առաջադրանքը նպաստում է երեխաների՝ նկար-պատմությունը, նկար-նախադասությունը և նկար-բառը տարբերելու կարողությունները: |
| 5. | Ո՞ր գծապատկերն է ճիշտ | 3 տեսակ - վերլուծական | միջին | 4Մ. | Առաջադրանքը զարգացնում է լեզվական տարբեր միավորներ (պատմություն, նախադասություն, բառ) գծապատկերների միջոցով մոդելավորելու և դրանց տարբերակելու կարողությունները: |
| 6. | Ո՞ր նկարը չկա | 3 տեսակ - վերլուծական | միջին | 3Մ. | Ուշադի՛ր դիտելով նկարը՝ սովորողները պետք է նշեն այն պատկերը, որը չկա թեմատիկ նկարում: Առաջադրանքը կատարելիս նրանք ընկալում են, որ բառը կոնկրետ իմաստ արտահայտող լեզվական փոքրիկ միավոր է: |
| 7. | Պատմություն: Նախադասություն: Բառ | 3 տեսակ - վերլուծական | բարդ | 6Մ. | Առաջադրանքը նպաստում է լեզվական տարբեր միավորների՝ պատմության, նախադասության և բառի տարբերակման կարողությունների ձևավորմանը: |
| 8. | Նշի՛ր ճիշտ գծապատկերը | 3 տեսակ - վերլուծական | բարդ | 7Մ. | Սովորողներն առաջադրանքը կատարելիս նախ որոշում են, թե լեզվական ո՞ր միավորի (պատմության, նախադասության, թե՞ բառի) նկարն է տրված, ապա ընտրում այն գծապատկերը, որը համապատասխանում է տրված լեզվական միավորի նկարին: |
| 9. | Ո՞ր շարքում պետք է տեղադրել | 3 տեսակ - վերլուծական | բարդ | 7Մ. | Առաջադրանքը կատարելիս սովորողները պետք է որոշեն տրված նկարը նկար-պատմությո՞ւն է, նկար-նախադասությո՞ւն է, թե՞ նկար-բառ: Ապա նշում են, թե որ շարքում պետք է տեղադրել: |