Ստեղնաշարի վրա պայմանանշանների դասավորության երկու՝ \(Phonetical\) (համահունչ ) և \(Typewriter\)(մեքենագիր) ձևեր գոյություն ունեն։
\(Phonetical\)-ի դեպքում հայերեն և ռուսերեն տառերին համապատասխանում են լատիներենի համահունչ տառերի ստեղները։
 |  |
\(Typewriter\)-ի դեպքում տառերի դասավորությունը համընկնում է տպագրական մեքենաներին բնորոշ բաշխվածության հետ։
 | |
Տեքստային խմբագրիչների միջավայրում աշխատելիս հաճախ է մի լեզվի այբուբենից այլ լեզվի այբուբենին անցնելու անհրաժեշտություն ծագում։ Այբուբենի փոփոխման \(KDWin\) ծրագրով աշխատելու դեպքում մի լեզվի այբուբենից մյուսին անցնելու համար անհրաժեշտ է.
- մկնիկի ցուցիչը տեղադրել \(KDWin\)-ի տարբերանշանի վրա,
- աջ սեղմակը սեղմել ու թողնել այնքան, մինչև որ ցանկալի այբուբենն ակտիվանա։
Այբուբենի փոփոխման նպատակով կարելի է նաև՝
- մկնիկի ցուցիչով ընտրել \(KDWin\)տարբերանշանը,
- բացված պատուհանում ընտրել այբուբենի փոփոխման դաշտի ▼ կոճակը,
- բերված ցուցակից ընտրել անհրաժեշտ այբուբենը:
Այբուբենը կարելի է փոփոխել նաև ստեղնաշարի \(Alt\) ու \(Shift\) կամ \(Alt\), \(Ctrl\) ու \(Shift\) ստեղների համատեղ սեղմումով։
Անհրաժեշտ լեզվի այբուբենը կարելի է ակտիվացնել նաև պայմանանշանների դասավորության պատուհանի ձախ մասում՝ ընտրելով առկա դրոշներից անհրաժեշտը։
Աղբյուրները
Ս. Ս. Ավետիսյան, Ս. Վ. Դանիելյան, Ինֆորմատիկա 7-րդ դասարան, Երևան 2012