ԻմԴպրոցի և Spacer-ի համատեղ մրցույթի ամփոփում։ Լուսանկարներ

ԻմԴպրոցի սիրելի աշակերտներ,

Ձեզ համար արդեն հարազատ դարձած ԻմԴպրոցի գրասենյակում տեղի ունեցավ ԻմԴպրոցի և Spacer-ի կազմակերպած 3-4-րդ և 5-6-րդ դասարանների տրամաբանական խնդիրների առցանց մրցույթի եզրափակիչ փուլը:

1

ԻմԴպրոցը, ապահովելով արդարության և թափանցիկության սկզբունքը, լավագույն արդյունքներ ցուցաբերած երեխաներին՝ ամենաբարձր միավորները հավաքած և առաջադրանքներն ամենաարագը լուծած, հրավիրեց եզրափակիչ փուլի՝ վերջնական արդյունքները որոշելու նպատակով:

2

Հատկանշական է, որ մասնակցել էին Հայաստանի տարբեր դպրոցներից երեխաներ, ովքեր չէին երկմտել և բավարար խիզախ էին գտնվել փորձելու իրենց գիտելիքի ուժը այս մրցույթում։ Սա ԻմԴպրոց թիմի մեծագույն ցանկությունն էր։

Իսկ հիմա ներկայացնենք մրցույթի արժանի հաղթողներին՝

3-4-րդ դասարաններ.

1-ին հորիզոնական՝

Արշակ Գրիգորյան, Երևանի թիվ 100 հիմն. դպրոց,

3

2-րդ հորիզոնական՝

Մերի Մնացականյան, Երևանի թիվ 174 հիմն. դպրոց,

3-րդ հորիզոնական՝

Սվետա Կարապետյան, Արարատի մարզ, գ. Նոր Խարբերդի թիվ 3 միջն. դպրոց։
 


5-6-րդ դասարաններ.

1-ին հորիզոնական՝

Էլեն Չոբանյան, Երևանի Սմբատ Բյուրատի անվ. թիվ 125 դպրոց,

4

2-րդ հորիզոնական՝

Արինե Իսրաելյան, Սյունիքի մարզ, ք. Կապանի թիվ 7 հիմն. դպրոց,

3-րդ հորիզոնական՝

Լիլիթ Քոթանջյան, Երևանի Սմբատ Բյուրատի անվ. թիվ 125 դպրոց։
 

5

Ոչ մի մասնակից ձեռնունայն չգնաց ԻմԴպրոցից։ Բոլոր մասնակիցները, անկախ իրենց զբաղեցրած տեղից, մեր գործընկեր Spacer-ի կողմից ստացան 10,000 դրամ արժողությամբ հովերբորդ վարելու նվեր քարտեր:

Իսկ երրորդ հորիզոնականն զբաղեցրած մասնակիցները ստացան 15,000 դրամ արժողությամբ նվեր քարտեր, երկրորդ և առաջին տեղը զբաղեցրածները՝ 20,000 դրամ արժողությամբ, իսկ առաջին տեղը զբաղեցրած մասնակիցները ստացան նաև սմարթֆոններ:

Հիմնական մրցանակներից բացի մեր բալիկներին այլ անակնկալներ ևս սպասվում էին: ԻմԴպրոցը նրանց հնարավորություն էր ընձեռել ծանոթանալ միմյանց հետ, քննարկել մրցույթը, իսկ ծանոթությունն ավելի ամբողջական դարձավ HD Games-ի խաղավարների շնորհիվ, ովքեր շա՜տ հետաքրքիր խաղեր էին կազմակերպել երեխաների համար: Փոքրիկ թիմեր կազմած և ամեն ինչի մասին մոռացած, անսպառ ժպիտներով, ճիչերով երեխաները խաղում էին: Ոգևորված էին ոչ միայն երեխաները, այլ նաև նրանց ծնողները, ԻմԴպրոցի աշխատակազմը և մյուս հյուրերը:

6

Իսկ վերջում կտրեցինք տոնական տորթը և կլոր սեղանի շուրջ հրաժեշտ տվեցինք մեր փոքրիկներին՝ նրանց նորից մեր կայքում ու գրասենյակում տեսնելու ակնկալիքով:

Փոքրիկներ ջան, մենք հիացած ենք բոլորիդ նպատակասլացությամբ, սովորելու նկատմամբ սիրո նման դրսևորմամբ և շնորհակալ ենք ձեզ, ձեր ծնողներին ու հմուտ մանկավարժներին ձեզ այսպիսին մեծացնելու համար։

  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
  • 37
  • 38
  • 39
  • 40
  • 41
  • 42
  • 43
  • 44
  • 45
  • 46
  • 47
  • 48
  • 49
  • 50
  • 51
  • 51
  • 52
  • 53
  • 54
  • 55
  • 56
  • 57
  • 58
  • 59
  • 60
  • 61
  • 62
  • 63
  • 64
  • 65
  • 66
  • 68
  • 69

Նկարները բարձր որակով կարող եք ներբեռնել այստեղ:
 Ուշադրություն. խորհուրդ է տրվում այս հղումով մտնելուց առաջ միացված լինել WiFi սարքի, քանի որ նկարների ծավալը մեծ է:

Հրապարակված է