ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության
վերաբերյալ
Օգտագործեք Ձեր առաջադրանքները ստուգողական աշխատանքներում
Տեսություն
ՓՈԽԱԴԱՐՁ ԴԵՐԱՆՈՒՆՆԵՐ
Փոխադարձ դերանունները ցույց են տալիս փոխադարձ հարաբերությամբ միմյանց հետ կապված առարկաներ կամ անձեր՝ առանց դրանք անվանելու:
Փոխադարձ դերանուններն են` իրար, միմյանց, մեկմեկու կամ մեկմեկի:
| Սեռ. | իրար | միմյանց | մեկմեկու | մեկմեկի |
| Տր. | իրար | միմյանց | մեկմեկու | մեկմեկի |
| Հայց. | իրար | միմյանց | մեկմեկու | մեկմեկի |
| Բաց. | իրարից | միմյանցից | մեկմեկուց | մեկմեկից |
| Գործ. | իրարով | միմյանցով | մեկմեկով | մեկմեկով |
Փոխադարձ դերանունները եզակի թիվ. ուղղական ու ներգոյական հոլովներ չունեն: Սրանց սեռական, տրական և հայցական հոլովները ձևով նույնն են:
Փոխադարձ դերանունները նախադասության մեջ լինում են միայն լրացում: Այսպես՝
- բայի լրացում՝
ՕրինակԻմ բոլոր իղձերը, աղբյուրների պես իրար հյուսվելով, ընթանում են մի հունով:
- գոյականի լրացում՝
ՕրինակԿատուները խաղում էին՝ խփելով իրար թաթերին: