ԺԽՏԱԿԱՆ ԴԵՐԱՆՈՒՆՆԵՐ
Ժխտական դերանունները մատնացույց են անում ամբողջությամբ ժխտվող առարկաներ կամ անձեր՝ առանց դրանք անվանելու:
Օրինակ
Տարիներ շարունակ այս քաղաքում ոչինչ չի փոխվում:
Ժխտական դերանուններն են` ոչ ոք, ոչինչ, ոչ մի, ոչ մեկը:
Ոչ ոք, ոչ մեկը, ոչինչ ժխտական դերանուններն ունեն միայն եզակի թիվ և հոլովվում են ի հոլովումով՝ ոչ ոքի, ոչնչից, ոչ մեկով:
Ոչ մի դերանունը գոյականաբար չի գործածվում և չի հոլովվում:
Ժխտական դերանունները նախադասության մեջ լինում են`
• ենթակա`
Օրինակ՝ Նրա մասին այլևս ոչ ոք ոչ մի բան չիմացավ:
• ստորոգյալի մաս`
Օրինակ՝ Նրա արածը այդ տան վրա ոչինչ է:
• գոյականի լրացում`
Օրինակ՝ Ծառերի վրա ոչ մի թռչուն այլևս չի ծլվլում:
• բայի լրացում`
Օրինակ՝ Ես ոչ մեկին չեմ մեղադրում:
Ժխտական դերանունների գրությունը
Ոչինչ-ը, գրվում է բաղադրիչները միացած, իսկ մյուս երեքը` ոչ ոք, ոչ մի, ոչ մեկը, գրվում են անջատ:
Ոչինչ-ը, գրվում է բաղադրիչները միացած, իսկ մյուս երեքը` ոչ ոք, ոչ մի, ոչ մեկը, գրվում են անջատ: