Շնորհավորում ենք ուսումնական տարվա ավարտի կապակցությամբ

Ահա և ավարտվեց ուսումնական տարին: Այս ընթացքում ԻմԴպրոց կայքի առաջադրանքների շտեմարանը համալրվեց շուրջ 800 նոր ու հետաքրքիր առաջադրանքներով հետևյալ առարկաներից՝ Կենսաբանություն, Խորացված ֆիզիկա, Խորացված հայոց լեզու, Մայրենի, Հայոց եկեղեցու պատմություն, Աստղագիտություն:

Ամփոփենք 2018-2019 ուստարվա մեր կատարած աշխատանքը՝

1. Տաղանդների դասարանի մեկնարկ,
2․ Օնլայն մրցույթներ մաթեմատիկա, հայոց լեզու, ֆիզիկա առարկաներից,
3.Մրցույթ Cityzen-ի հետ համատեղ մայրենի, մաթեմատիկա, ռուսաց լեզու առարկաներից:

Հունվար ամիսը մենք սկսեցինք Cityzen-ի հետ համատեղ մրցույթով, որին մասնակցել էին մոտ 500 դպրոցականներ ամբողջ Հայաստանից։ 2-րդ փուլ անցած աշակերտները Cityzen-ում մասնակցեցին տրամաբանական խնդիրների եզրափակիչ փուլին, գեղեցիկ օր անցկացրին միասին և ստացան մրցանակներ։

4․ «Օնլայն ուսուցիչ» ծրագրի մեկնարկ,
5․ Մրցույթ ԻմԴպրոցի և «Փոքրիկ Էյնշտեյն» գիտության թանգարանի կողմից։ Ապրիլ ամսին ԻմԴպրոցականները մրցում էին ԹՈՓ միավորներով։ Այս մրցույթը տարիքային սահմանափակում չուներ։ Հաղթեցին ապրիլի 1-25-ն ամենաշատ ԹՈՓ միավորներ հավաքած 25 աշակերտներ և 2 դասարաններ։ Վերջիններս ստացան գիտական փորձեր իրականացնելու համար նախատեսված պարագաներ, իսկ երեխաները կարողացան անձամբ փորձարկել թանգարանի սարքերը։ Եվս մեկ հետաքրքիր փաստ՝ այս ամսվա ընթացքում ԻմԴպրոցականները լուծել են 1,600,000-ից ավելի առաջադրանքներ։
6. Տրամաբանական խնդիրների մրցույթ ԻմԴպրոցի և Spacer-ի կողմից: 2018-2019թթ. ուստարին մենք ավարտեցինք 3-րդ, 4-րդ, 5-րդ, 6-րդ դասարանների համար նախատեսված տրամաբանական խնդիրների մրցույթով։ Հաղթող երեխաները ստանալու են բջջային հեռախոսներ և հովերբորդ քշելու համար նվեր քարտեր։ Բոլոր մասնակիցները ևս ստանալու են նվերներ՝ անկախ զբաղեցրած հորիզոնականից։

Տարվա բոլոր իրադարձություններին կարող եք ծանոթանալ մեր «Նորություններ» բաժնում:

«ԻմԴպրոց» կայքի ողջ անձնակազմը շնորհակալություն է հայտնում բոլորին ցուցաբերած ակտիվության համար: Ստորև մենք պատրաստել ենք այս ուսումնական տարվա լավագույն դպրոցների, աշակերտների և ուսուցիչների արդյունքները: Սիրով կսպասենք ձեզ հաջորդ տարի: