ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Լույսի աղբյուրներ
Լուսային երևույթները բացառիկ նշանակություն ունեն Երկրի բուսական և կենդանական աշխարհի կենսագործունեության համար: Լույսի շնորհիվ ենք ընկալում մարմինների գույնը, չափերն ու ձևը` ստանում ինֆորմացիա շրջապատի մասին:
 
Ուշադրություն
Որևէ մարմին տեսնում ենք այն ժամանակ, երբ նրանից եկող լույսն ընկնում է մեր աչքերին և առաջացնում տեսողական զգացողություն։
Այն մարմինները, որոնք լույս են արձակում կոչվում են լույսի աղբյուրներ:
Մեզ համար լույսի հիմնական աղբյուրն Արեգակն է: Աստղերը նույնպես լույսի հզոր աղբյուրներ են, սակայն մեծ հեռավորության պատճառով դրանցից մեզ հասնող լույսը շատ թույլ է: Լույսի աղբյուր է կայծակը: Լույս են արձակում նաև որոշ կենդանիներ, բակտերիաներ և միջատներ օրինակ՝ լուսատիտիկը: 
Ինքնուրույն լույս արձակող այս մարմիններն անվանում են լույսի բնական աղբյուրներ։

1. Արեգակ

giphy.gif
 
2. Կայծակ
                 
Lightning-striking-again.gif
 
3. Լուսատիտիկներ
 
1156216.gif
Լույսի արհեստական աղբյուրները ստեղծվել են մարդու կողմից: Լույսի արհեստական աղբյուրներ են՝ մոմի բոցը, էլեկտրական լամպը, լազերները և այլն
0_4fe7a_ffeedad3_XXXL.gif lampoch026.png
 
Ուշադրություն
Լույսի աղբյուրները լույսն արձակում են բոլոր ուղղություններով։
Լույսի տարածման օրինաչափությունները ուսումնասիրում են լույսի նեղ փնջերի՝ լուսային ճառագայթների միջոցով:
Լույսի ճառագայթներ կարելի է ստանալ՝ լույսի աղբյուրի դիմաց դնելով փոքր անցք ունեցող անթափանց պաստառ: Նրանք լավ տեսանելի են մառախուղի մեջ, փոշու կամ ծխի մասնիկներ պարունակող օդում։ Լույսի փնջերը տարածվում են իրարից անկախ՝ չխանգարելով մեկը մյուսին։
 
maxresdefault.jpg 8.jpg
Աղբյուրները
1. Բնագիտություն -6: Հանրակրթական դպրոցի 6-րդ դասարանի դասագիրք / Է. Ղազարյան, Ա. Թռչունյան, Գ. Մելիքյան, Հ.Խաչատրյան.–Եր.: Աստղիկ գրատուն, 2013թ.
2. Բնագիտություն- 6: Հանրակրթական դպրոցի 6-րդ դասարանի դասագիրք/ Գ. Պետրոսյան, Լ. Գրիգորյան , Ա..Կարապետյան,Գ.Ալեքսանյան, Երևան -2013, ԶԱՆԳԱԿ  հրատարակչություն