ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Զուգահեռ հարթությունների հեռավորությունը
Մենք արդեն գիտենք որոշել կետի հեռավորությունը ուղղից կամ հարթությունից: Դրա համար այդ կետից տրված ուղղին կամ հարթությանը իջեցվում է ուղղահայաց:
 
Նույն կերպ վարվում ենք նաև զուգահեռ հարթությունների կամ զուգահեռ ուղղի և հարթության հեռավորությունը որոշելիս:
Երկու զուգահեռ հարթություններից մեկի բոլոր կետերը հավասարահեռ են մյուս հարթությունից:
Հետևաբար, երկու հարթությունների միջև հեռավորությունը կարելի է սահմանել հետևյալ կերպ:
Երկու զուգահեռ հարթությունների հեռավորություն կոչվում է հարթություններից մեկի կամայական կետի հեռավորությունը մյուս հարթությունից:
Դիցուք տրված են α և β զուգահեռ հարթությունները՝ αβ
 
Դրանց միջև հեռավորությունը հաշվելու համար պետք է՝
 
- հարթություններից մեկի, օրինակ՝ α-ի վրա վերցնել կամայական կետ, օրինակ՝ \(A\)-ն,
- այդ կետից իջեցնել ուղղահայաց β հարթության վրա:
 
Այդ ուղղահայացի երկարությունը հենց կլինի α և β հարթությունների հեռավորությունը:
 
Այսպիսով, ներքևի նկարում α և β զուգահեռ հարթությունների հեռավորությունը \(AE = BF\) երկարությունն է:
 
zu1.png
 
Նույն ձևով սահմանում ենք ուղղի և նրան զուգահեռ հարթության հեռավորությունը:
Հարթությանը զուգահեռ ուղղի բոլոր կետերը հավասարահեռ են այդ հարթությունից:
Հետևաբար, ուղղի և նրան զուգահեռ հարթության հեռավորությունը սահմանում ենք այսպես:
Ուղղի և նրան զուգահեռ հարթության հեռավորություն կոչվում է ուղղի կամայական կետի հեռավորությունը այդ հարթությունից:
Ներքևի նկարում \(PQ\) ուղղի և նրան զուգահեռ α հարթության հեռավորությունը PP1=QQ1 երկարությունն է:
 
zu2.png
Աղբյուրները
Ս. Հակոբյան, Երկրաչափություն 10-րդ դասարան, ՏԻԳՐԱՆ ՄԵԾ, 2009: