![](https://www.imdproc.am/upload/yp2/nkar.png)
![](https://www.imdproc.am/upload/yp2/lala1.png)
![](https://www.imdproc.am/upload/yp2/lala2.png)
![](https://www.imdproc.am/upload/yp2/text11.png)
![](https://www.imdproc.am/upload/yp2/text12.png)
![](https://www.imdproc.am/upload/yp2/text13.png)
![](https://www.imdproc.am/upload/yp2/text0.png)
![](https://www.imdproc.am/upload/yp2/zang1.png)
![](https://www.imdproc.am/upload/yp2/zang2.png)
![](https://www.imdproc.am/upload/yp2/check.png)
![](https://www.imdproc.am/upload/yp2/text21.png)
![](https://www.imdproc.am/upload/yp2/check.png)
![](https://www.imdproc.am/upload/yp2/text22.png)
![](https://www.imdproc.am/upload/yp2/check.png)
![](https://www.imdproc.am/upload/yp2/text23.png)
![](https://www.imdproc.am/upload/yp2/logo.png)
![](https://www.imdproc.am/upload/yp2/hamar.png)
Ճառագայթ և անկյուն
Ուղղի վրա գտնվող կետը ուղիղը բաժանում է երկու մասի, որոնցից յուրաքանչյուրը կոչվում է այդ կետից դուրս եկող ճառագայթ, իսկ կետը՝ ճառագայթներից յուրաքանչյուրի սկիզբ (կամ սկզբնակետ):
![Stars1.png](https://resources.cdn.imdproc.am/66165268-d1aa-46af-88a9-2e98bf4623ae/Stars1.png)
\(A\) կետը \(a\) ուղիղը բաժանում է երկու ճառագայթի: Կարևոր է տարբերել այդ ճառագայթներն իրարից: Այդ նպատակով ուղղի վրա վերցնենք ևս երկու կետ՝ \(B\)-ն և \(C\)-ն, և ճառագայթները նշանակենք համապատասխանաբար \(AB\) և \(AC\):
Ուշադրություն
Առաջին տառով նշում են ճառագայթի սկզբնակետը, իսկ երկրորդ տառը ցույց է տալիս ճառագայթի ուղղությունը:
Վերևի նկարում երեք կետերից յուրաքանչյուրը կարող է դիտարկվել որպես ճառագայթի սկզբնակետ: Յուրաքանչյուր կետից՝ հակառակ ուղղություններով, դուրս են գալիս երկու ճառագայթներ և անվերջ շարունակվում:
Ուշադրություն
\(BC\)-ն և \(BA\)-ն նույն ճառագայթներն են (\(B\) սկզբնակետով), իսկ \(BC\) և \(AC\) ճառագայթները տարբեր են, չնայած որ ունեն որոշ ընդհանուր մաս:
Անկյունը երկրաչափական պատկեր է, որը կազմված է կետից և նրանից դուրս եկող երկու ճառագայթներից: Այդ ճառագայթները կոչվում են անկյան կողմեր, իսկ նրանց ընդհանուր սկզբնակետը՝ անկյան գագաթ:
![Lenkis1.png](https://resources.cdn.imdproc.am/8cd36fae-0cd9-4a86-b02b-179027ee4eb6/Lenkis1.png)
Անկյունները, հիմնականում նշանակում են լատիներեն մեծատառերով, օրինակ՝ կամ հունարեն փոքրատառերով, օրինակ՝ :
Ուշադրություն
Վերևի նկարում կարելի է դիտարկել անկյունը կամ անկյունը, բայց պետք է հիշել, որ գագաթը միշտ մեջտեղի տառն է:
Երբեմն անկյունները նշանակում են մեկ լատիներեն մեծատառով (որը ցույց է տալիս անկյան գագաթը): Անկյունը նշանակվում է նաև թվով կամ երկու լատիներեն փոքրատառերով (որոնք ցույց են տալիս անկյան կողմերը), օրինակ՝, կամ:
![Lenkis2.png](https://resources.cdn.imdproc.am/a4a46537-ece4-4e90-b6b3-846d5a015f01/Lenkis2.png)
Վերևի նկարի՝ \(M\) ընդհանուր սկզբնակետով \(n\) և \(m\) ճառագայթները հարթությունը բաժանում են երկու մասի, որոնք կոչվում են անկյան ներքին և արտաքին տիրույթներ:
Անկյունից և նրա ներքին տիրույթից կազմված պատկերը ևս անվանում են անկյուն:
Հետևաբար, վերևի նկարի \(A\) և \(B\) կետերը չեն պատկանում անկյանը, իսկ \(C\), \(D\) և \(E\) կետերը պատկանում են անկյանը:
Եթե գծենք նույն սկզբնակետից դուրս եկող երկու ճառագայթներ, ապա ներքին տիրույթը կկազմի մի անկյուն (ներքևի նկարի անկյունը), իսկ արտաքինը՝ մեկ ուրիշ (-ն):
![Lenkis_plats_saurs.png](https://resources.cdn.imdproc.am/52bba5be-c780-47bf-9746-89d3faf223c5/Lenkis_plats_saurs.png)
Եթե անկյան երկու կողմերը գտնվում են նույն ուղղի վրա, ապա այն կոչվում է փռված անկյուն:
![Lenkis_plats_saurs1.png](https://resources.cdn.imdproc.am/ff9829f2-c49b-4f7d-9b95-bfba72184b6e/Lenkis_plats_saurs1.png)
Եթե անկյան գագաթից ներքին տիրույթում տանենք ճառագայթ, ապա այն կբաժանի անկյունը երկու այլ անկյունների:
![Lenkis4.png](https://resources.cdn.imdproc.am/7d65e44f-314b-4dab-b7d1-8971b1c2f12f/Lenkis4.png)
Այս դեպքում կարևոր է հետևել անկյունների նշանակումներին: Հիմա մենք ունենք սկզբնական անկյունը և նրա երկու մասերը: Օրինակ՝ եթե գրենք այսպես՝, ապա չի հասկացվի, թե որ անկյունը մենք նկատի ունենք: Այս դեպքում հարմար է օգտագործել անկյունների նշանակումները երեք լատիներեն մեծատառերի միջոցով՝, , :
Աղբյուրները
Լ.Ս. Աթանասյան, Վ.Ֆ. Բուտուզով, Ս.Բ. Կադոմցեվ, Է.Գ. Պոզնյակ, Ի.Ի.Յուդինա: Երկրաչափություն 7-րդ դասարան, Երևան, "Զանգակ 97", 2011: