ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Մարդիկ մշտապես գտնվում են ինֆորմացիայի փոխանցման գործողության մեջ. միմյանց   հրամաններ են տալիս, հաշվետվություն պահանջում կատարված աշխատանքի մասին, հրատարակում գրքեր, գիտական հոդվածներ, գովազդային հայտարարություններ: Գիրք կարդալու, հեռուստահաղորդում դիտելու ընթացքում տեղի է ունենում ինֆորմացիայի փոխանցում:
 
Ինֆորմացիայի փոխանցման գործընթացին պարտադիր մասնակցում են ինֆորմացիայի աղբյուրն ու ինֆորմացիայի ընդունիչը: Աղբյուրը փոխանցում է ինֆորմացիան, իսկ ընդունիչը՝ ընդունում: Նրանց միջև գործում է ինֆորմացիայի փոխանցման ուղին՝ ինֆորմացիոն խողովակը:
 
  
Ինֆորմացիայի փոխանցման գծապատկերը
  
per1.png
 
Մարդու զգայարանները հանդիսանում են  ինֆորմացիոն կենսաբանական խողովակներ: Հեռախոսը, ռադիոն, հեռուստատեսությունը, համացանցը հանդիսանում են ինֆորմացիոն տեխնիկական խողովակներ:
  
Կախված փոխանցման տեսակից՝ ինֆորմացիոն խողովակը կարող է լինել միակողմանի կամ երկկողմանի: Միակողմանի խողովակը ինֆորմացիան հաղորդում է աղբյուրից դեպի ընդունիչ, իսկ երկկողմանի խողովակը՝ ինչպես աղբյուրից ընդունիչ, այնպես էլ՝ ընդունիչից աղբյուր: Երբ ընտանիքով որևէ հեռուստահաղորդում են դիտում, ապա ինֆորմացիայի աղբյուրը մեկն է (հեռուստահաղորդումը), իսկ ինֆորմացիայի ընդունիչը՝ մի քանիսը (ընտանիքի անդամները):
 
Մեծ հեռավորության վրա ինֆորմացիա փոխանցելու համար մարդն օգտագործում է կապի տարբեր միջոցներ՝ փոստ, հեռագիր, հեռախոս, ռադիո, հեռուստատեսություն, ինտերնետ:
 
Աղբյուրները
Л.Л.Босова. Информатика и ИКТ учебник для 5 класса. Москва Бином. Лаборатория знаний 2012.