ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Ինֆորմացիայի պահպանումը
Յուրաքանչյուր մարդ իր հիշողության մեջ պահում է որոշակի ինֆորմացիա: Մենք հիշում ենք մեր հասցեն, հեռախոսահամարը, մեր ծնողների ու հարազատների անունները: Այսպիսի հիշողությունը կարելի է անվանել օպերատիվ հիշողություն:
 
Բայց կա ինֆորմացիա, որը դժվար է հիշել: Այդպիսի ինֆորմացիան մարդը գրառում է նոթատետրում, փնտրում է բառարաններում, հանրագիտարաններում: Դա արտաքին հիշողությունն է, որը կարելի է անվանել երկարաժամկետ հիշողություն:
 
Համակարգչային ինֆորմացիայի պահպանման համար նախատեսված հիշող սարքերը նույնպես լինում են երկու տիպի. 
 
Օպերատիվ հիշողություն –  նախատեսված է ինֆորմացիան ժամանակավորապես պահպանելու համար, այսինքն համակարգչի աշխատանքի ընթացքում (համակարգչի օպերատիվ հիշողության մեջ եղած ինֆորմացիան ոչնչանում է, երբ էլեկտրական սնուցումն անջատվում է):
 
Արտաքին հիշողություն  –նախատեսված է ինֆորմացիան երկարաժամկետ պահպանելու համար (համակարգիչն անջատելիս ինֆորմացիան չի ոչնչանում):
 
Գոյություն ունի առանձին մարդու հիշողություն և մարդկության հիշողություն: Ի տարբերություն մարդու հիշողության, մարդկության հիշողությունը պարունակում է բոլոր այն գիտելիքները, որոնք մարդ արարածը կուտակել է իր ողջ գոյության ընթացքում և փոխանցել հաջորդ սերունդներին:
 
1839 թվականին լուսանկարի հայտնագործությունը հնարավորություն տվեց պահպանել և նոր սերունդներին փոխանցել անցյալում ապրած մարդկանց դիմանկարներ, բնանկարներ, բնական երևույթներ և այլ տեսանելի փաստեր:
 
1895 թվականին Փարիզում ցուցադրվեց աշխարհի առաջին կինոնկարը: Դրանից ի վեր, մարդկությունը հնարավորություն ստացավ պահպանելու շարժապատկերներ (պար, միմիկա, մնջախաղ և այլն):
 
Մարդը սովորեց նաև պահպանել ձայնային ինֆորմացիա: Սկզբում դա արվում էր «բերանից բերան», այսինքն երգելով, ավելի ուշ՝ նոտաների օգնությամբ: Նախորդ դարի կեսերին Ճապոնիայում արտադրվեց ձայնարկիչը, որը մինչ օրս օգտագործվում է ձայնային ինֆորմացիան պահպանելու և լսելու համար:
 
Ուշադրություն
Ժամանակակից համակարգիչը կարող է պահպանել տարբեր տեսակի ինֆորմացիա՝ տեքստային, թվային, ձայնային, գրաֆիկական և տեսաինֆորմացիա:
 
Ինֆորմացիան պահպանվում է տարբեր ձևերով՝ տեքստ, նկար, սխեմա, լուսանկար, ձայնագրություն, ֆիլմ և այլն: Յուրաքանչյուր դեպքում օգտագործվում  են տարբեր կրիչներ:
Թղթային կրիչներ
Թուղթը հայտնագործվել է  II դարում, Չինաստանում:
300 էջանոց գրքի ծավալը, որի յուրաքանչյուր էջն ունի 2000 նշան, կազմում է մոտավորապես 600 000 բայթ կամ 586 Կբայթ:
5000 հատոր ունեցող դպրոցական գրադարանի ինֆորմացիոն ծավալը մոտավորապես 2861Մբայթ = 2,8 Գբայթ է:
Մագնիսական կրիչներ
ժամանակակից կոշտ սկավառակները (վինչեստեր) ներկայումս մինչև 5000 Գբայթ, լազերային սկավառակները՝ մի քանի հարյուր Մբայթից մինչև մի քանի տասնյակ Գբայթ և ավելի, իսկ ֆլեշ հիշող սարքերը մի քանի Գբայթից մինչև մի քանի հարյուր Գբայթ ծավալով ինֆորմացիա պահպանելու հնարավորություն ունեն։
 
Աղբյուրները
Л.Л.Босова. Информатика и ИКТ учебник для 5 класса. Москва Бином. Лаборатория знаний 2012.