ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Այժմ սովորենք ֆայլային օբյեկտները  (ֆայլերն ու ֆայլադարանները) պատճենել, տեղափոխել, անվանափոխել ու հեռացնել:
 
Այս գործողությունները կարելի է իրականացնել ինչպես մեկ օբյեկտի (ֆայլադարանի կամ ֆայլի), այնպես էլ օբյեկտների խմբի հետ։

Մի քանի օբյեկտների հետ միևնույն գործողությունը միաժամանակ իրականացնելու համար անհրաժեշտ է նախ այդ օբյեկտները համախմբել. դրա համար պետք է ստեղնաշարի Ctrl  ստեղնը սեղմած պահելով՝ անհրաժեշտ օբյեկտները մկնիկի ձախ սեղմակով նշել։
Օբյեկտը կամ օբյեկտների խումբն այլ ֆայլադարանում պատճենելու համար անհրաժեշտ է.
  • ընտրել պատճենման ենթակա օբյեկտը կամ օբյեկտների խումբը,
  • օբյեկտը կամ օբյեկտների խումբը \(Computer\)  պատուհանի  \(Organize\)  կոճակով բացված մենյուի  \(Copy\) հրամանով պատճենել փոխանակման բուֆերում,
  • բացել այն ֆայլադարանը, որտեղ պետք է օբյեկտը կամ օբյեկտների խումբը պատճենել,
  • \(Computer\)  պատուհանի  \(Organize\)  կոճակով բացված մենյուի  \(Paste\)  հրամանով փոխանակման բուֆերի պարունակության պատճեն տեղադրել այդ ֆայլադարանում։
organize.png
 \(Organize\)  մենյու 
  
Օբյեկտը կամ օբյեկտների խումբն այլ ֆայլադարանում կարելի Է պատճենել նաև հետևյալ կերպ.
  • ընտրել պատճենման ենթակա օբյեկտը կամ օբյեկտների խումբը,
  • սեղմած պահելով ստեղնաշարի  \(Ctrl\)  ստեղնն ու մկնիկի ձախ սեղմակը՝ օբյեկտի կամ օբյեկտների խմբի պատճեն մկնիկի միջոցով անհրաժեշտ ֆայլադարան տեղափոխել։
Օբյեկտի վրա մկնիկի աջ սեղմակով բացված ենթատեքստային մենյուի  \(Copy\)  և  \(Paste\)  հրամանները համարժեք են  \(Computer\)  պատուհանի  \(Organize\)  կոճակով բացված մենյուի համանուն հրամաններին։
Աղբյուրները
Ս. Ս. Ավետիսյան, Ս. Վ. Դանիելյան,  Ինֆորմատիկա 7-րդ դասարան, Երևան 2012