1. Լուծված նյութի զանգվածային բաժին

    

 

Լուծույթների հատկությունները կախված են լուծույթում պարունակվող նյութի քանակից, ուստի այդ հատկությունները նկարագրելիս պետք է անպայման նշել լուծույթի բաղադրությունը։

Խիտ լուծույթը լուծված նյութի համեմատաբար մեծ քանակություն է պարունակում՝ այնպես, որ լուծիչի ու լուծվող նյութի քանակությունները համաչափելի են։ Օրինակ' \(8°C \)ջերմաստիճանում  \(100\) գ ջրում \(160\) գ արծաթի նիտրատ է լուծվում, ուստի ստացվածը խիտ լուծույթ է (\(100\) գրամն ու \(160\) գրամը համաչափելի մեծություններ են)։
 

Նոսր լուծույթում լուծված նյութի փոքր քանակություն է պարունակվում՝ լուծիչի քանակության հետ անհամաչափելի։ Օրինակ՝ \(8°C\) ջերմաստիճանում \(100\) գ ջրում \(0,02\) գ կալցիումի սուլֆատ է լուծվում, ուստի ստացվածը նոսր լուծույթ է (\(100\) գրամն ու \(0,02\) գրամը համաչափելի մեծություններ չեն)։

 

Հարկ է ավելացնել, որ խիտ լուծույթ ու հագեցած լուծույթ հասկացությունները չի կարելի նույնացնել։ Լուծույթը կարող է հագեցած լինել, բայց՝ նոսր, իսկ կարող է նաև՝ չհագեցած լինել, բայց՝ խիտ։

 

Այնուամենայնիվ, նոսր և խիտ հասկացությունները բավական անորոշ են, քանի որ լուծույթում առկա նյութի կոնկրետ քանակությունը չեն բացահայտում։ Մինչդեռ շատ հաճախ հարկավոր է հաշվի առնել, թե այս կամ այն լուծույթն ի՞նչ քանակությամբ նյութ է պարունակում, այսինքն՝  իմանալ լուծույթի ճշգրիտ քանակական բաղադրությունը։

Լուծույթի քանակական բաղադրությունն ընդունված է արտահայտել զանգվածային բաժնով, որը նշանակվում է հունական այբուբենի օմեգա՝ $\mathrm{\omega }$, տառով։

 

$\mathrm{\omega }=\frac{m(\text{ն}-\text{թ})}{m(\text{լ}-\text{թ})}$  կամ տոկոսներով     $\mathrm{\omega }=\frac{m(\text{ն}-\text{թ})}{m(\text{լ}-\text{թ})}\cdot 100\%$