Մետաղների օքսիդներ: Հիմքեր — դաս։ Քիմիա, 8-րդ դասարան.

Մետաղների օքսիդներում թթվածին տարրի ատոմը (ատոմները) միացած է մետաղ տարրի ատոմի (ատոմների) հետ:

Օրինակ՝

CuO, MgO, ZnO, {Na}_{2} O, {Cr}_{2} O_{3}

և այլն:

Մետաղների օքսիդները սովորական պայմաններում պինդ նյութեր են:

Մագնեզիումի օքսիդ Պղնձի օքսիդ Քրոմի($III$) օքսիդ

Մետաղների օքսիդները, որոնց համապատասխանում են հիմքեր, անվանում են հիմնային օքսիդներ:

Օրինակ՝

CuO \to Cu (O {H)}_{2}, {Na}_{2} O \to NaOH, MgO \to Mg (O {H)}_{2}

և այլն:

Եթե մետաղը տարբեր օքսիդացման աստիճան է դրսևորում, ապա որպես կանոն ցածրագույն օքսիդացման աստիճաներին են համապատասխանում հիմնային օքսիդներ:

Օրինակ՝ քրոմը առաջացնում է երեք օքսիդ՝

\overset{+ 2}{Cr} O, {\overset{+ 3}{Cr}}_{2} O_{3,} և \overset{+ 6}{Cr} O_{3,}

, որոնցից միայն

\overset{+ 2}{Cr} O

է հիմնային օքսիդ:

Պարբերական համակարգի I Ա և II Ա (բացի բերիլիումից և մագնեզիումից) մետաղների օքսիդները փոխազդում են ջրի հետ՝ առաջացնելով համապատասխան լուծելի հիմքեր:

Օրինակ՝

\begin{array}{l} {Na}_{2} O + H_{2} O = 2 NaOH \\ CaO + H_{2} O = Ca (O {H)}_{2} \end{array}

Հիմքերը բարդ նյութեր են, որոնք կազմված են մետաղի ատոմներից և մեկ կամ մի քանի հիդրոքսոներից՝ OH խմբից:

Հիմքերի բաղադրությունն արտահայտվում է հետևյալ ընդհանուր բանաձևով՝

\overset{+ n}{Me} (\bar{O {H)}_{n}}

Լուծելի հիմքերը անվանվում են ալկալիներ:

Օքսիդներ և լուծելի հիմքեր՝ ալկալիներ.

Հիմնային օքսիդի բանաձևը և անվանումը	Լուծելի հիմքի ալկալու բանաձևը և անվանումը
${Na}_{2} O$ ` նատրիումի օքսիդ	$NaOH$ ` նատրիումի հիդրօքսիդ
$K_{2} O$ ՝ կալիումի օքսիդ	$KOH$ ` կալիումի հիդրօքսիդ
${Li}_{2} O$ ` լիթիումի օքսիդ	$LiOH$ ՝ լիթիումի հիդրօքսիդ
${Cs}_{2} O$ ՝ ցեզիումի օքսիդ	$CsOH$ ՝ ցեզիումի հիդրօքսիդ
$CaO$ ՝ կալցիումի օքսիդ	$Ca (O {H)}_{2}$ ՝ կալցիումի հիդրօքսիդ
$SrO$ ՝ ստրոնցիումի օքսիդ	$Sr (O {H)}_{2}$ ՝ ստրոնցիումի հիդրօքսիդ
$BaO$ ՝ բարիումի օքսիդ	$Ba (O {H)}_{2}$ ՝ բարիումի հիդրօքսիդ

Ուշադրություն

Ալկալիները տաքացնելիս չեն քայքայվում

Անլուծելի օքսիդների և նրանց համապատասխան հիմքերի միջև կապ հաստատվում է քայքայման ռեակցիայով: Տաքացնելիս այդ հիմքերը քայքայվում են՝ առաջացնելով համապատասխան օքսիդը:

Օրինակ՝

\begin{array}{l} Mg (O {H)}_{2} \overset{t °}{\to} MgO + H_{2} O \\ 2Al (O {H)}_{3} \overset{t °}{\to} {Al}_{2} O_{3} + 3 H_{2} O \end{array}

Վերադառնալ թեմային

Հաջորդ առաջադրանքը

Գրեք մեզ

Սխա՞լ ես գտել

Տեղեկացրու մեզ

1. Մետաղների օքսիդներ: Հիմքեր

Տեսություն