ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Բուրգի հասկացությունը
Բուրգի մասին դուք նախնական տեղեկություններ ունեք: Հին աշխարհի յոթ հրաշալիքներից են Եգիպտական բուրգերը:
 
е.jpg
 
Բուրգերի հաճախ ենք հանդիպում նաև հայկական ճարտարապետական կոթողներում:
Մասնավորապես, եկեղեցիներից շատերի գմբեթներն ունեն բուրգի տեսք:
 
եեեե.jpg
Բուրգն այն բազմանիստն է, որի նիստերից մեկը բազմանկյուն է, իսկ մյուս բոլոր նիստերն ընդհանուր գագաթով եռանկյուններ են:
p3.jpg
 
Բազմանկյունը կոչվում է բուրգի հիմք, իսկ նույն գագաթով եռանկյունները՝ կողմնային նիստեր: Բուրգի գագաթից հիմքի հարթությանն իջեցված ուղղահայացը կոչվում է բուրգի բարձրություն:
 
Եթե բուրգի հիմքը \(n\)-անկյուն բազմանկյուն է, ապա բուրգն անվանում են \(n\)-անկյուն բուրգ:
 
\(n\)-անկյուն բուրգն ունի \(2n\) կող, որոնցից \(n\)-ը հիմքի կողերն են, իսկ \(n\)-ը՝ կողմնային կողերը:
\(n\)-անկյուն բուրգն ունի \(n+1\) նիստ, որոնցից \(1\)-ը հիմքն է, իսկ \(n\)-ը՝ կողմնային նիստերը:
\(n\)-անկյուն բուրգն ունի \(n+1\) գագաթ, որոնցից \(1\)-ը բուրգի գագաթն է, իսկ \(n\)-ը՝ հիմքի գագաթներն են:
 
Բուրգի լրիվ մակերևույթը բաղկացած է հիմքից և կողմնային մակերևույթից:
 
Ուստի բուրգի լրիվ մակերևույթի մակերեսը հավասար է՝ S լրիվ=S հիմք+S կողմն:
Աղբյուրները
Ս. Հակոբյան, Երկրաչափություն 10-րդ դասարան, ՏԻԳՐԱՆ ՄԵԾ, 2009