ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Ուղիղների կազմած անկյունը
1. Եթե ուղիղները զուգահեռ են, ապա նրանց կազմած անկյունը 0° է:

2. Երկու հատվող ուղիղների կազմած անկյուն անվանում են այդ ուղիղներով առաջացած անկյուններից փոքրը: Եթե բոլոր առաջացած անկյունները հավասար են, ապա ուղիղները փոխուղղահայաց են՝ նրանց կազմած անկյունը 90° է:

3. Երկու խաչվող ուղիղների կազմած անկյուն անվանում են այդ ուղիղներին զուգահեռ հատվող ուղիղների կազմած անկյունը:
 
Օրինակ
Տրված է ABCDA1B1C1D1 խորանարդը:
Cube1.png
Գտնենք AB կողի և B1D1 անկյունագծի կազմած անկյունը:
 
Այս ուղիղները խաչվող են, ուրեմն, ըստ սահմանման, պետք է գտնել այս ուղիղներին զուգահեռ՝ հատվող ուղիղներ:
 
AB ուղղի վրա վերցնենք B կետը և նրանով տանենք B1D1-ին զուգահեռ BD ուղիղը:
Cube2.png
 
AB և BD ուղիղները հատվում են, և, քանի որ ABCD-ն քառակուսի է, ապա դրանք կազմում են 45°-ի անկյուն:
 
Հետևաբար, AB և B1D1 ուղիղները ևս կազմում են 45°-ի անկյուն:
Աղբյուրները
Ս. Հակոբյան, Երկրաչափություն 10-րդ դասարան, ՏԻԳՐԱՆ ՄԵԾ, 2009