ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Երկու շրջանագծերի փոխադարձ դասավորությունը
Հարթության մեջ երկու շրջանագծերի փոխադարձ դասավորությունը կախված է՝
  • նրանց կենտրոնների դասավորությունից, 
  • նրանց շառավիղների երկարություններից: 
 
Հնարավոր է երեք դեպք:
 
1) Երկու շրջանագծերը հատվում են՝ ունեն երկու ընդհանուր կետ:
2) Երկու շրջանագծերը շոշափում են՝ ունեն մեկ ընդհանուր կետ:
3) Երկու շրջանագծերը ընդհանուր կետեր չունեն:
 
Դիտարկենք հնարավոր դեպքերը:
 
1) Երկու շրջանագծերը հատվում են. ունեն երկու ընդհանուր կետ:
Այս դեպքում կենտրոնների հեռավորությունը փոքր է շառավիղների գումարից:
1.png
 
2) Երկու շրջանագծերը շոշափում են. ունեն մեկ ընդհանուր կետ:
  
Այս դեպքում հնարավոր են հետևյալ դեպքերը՝
  • արտաքին շոշափում,
  • ներքին շոշափում:
Արտաքին շոշափման ժամանակ կենտրոնների հեռավորությունը հավասար է շառավիղների գումարին:
2.png
Ներքին շոշափման ժամանակ կենտրոնների հեռավորությունը հավասար է շառավիղների տարբերությանը:
3.png
 
3) Երկու շրջանագծերը ընդհանուր կետեր չունեն:
  
Այս դեպքում ևս հնարավոր է երկու դեպք:
  • Երկու շրջանագծերով սահմանափակված շրջանները չեն հատվում:
  • Փոքր շառավղով շրջանը ընկած է մեծ շառավղով շրջանի մեջ:
4.png
Առաջին տարբերակում կենտրոնների հեռավորությունը մեծ է շառավիղների գումարից:
5.png
Երկրորդ տարբերակում կենտրոնների հեռավորությունը փոքր է շառավիղների տարբերությունից:
Վերջին պնդումը փորձիր ինքնուրույն հիմնավորել:
Աղբյուրները
Լ.Ս. Աթանասյան, Վ.Ֆ. Բուտուզով, Ս.Բ. Կադոմցև, Է.Գ. Պոզնյակ, Ի.Ի..Յուդինա: Երկրաչափություն 8-րդ դասարան, Երևան, "Զանգակ 97", 2007: