1. Էլեկտրական դիմադրություն

Կազմենք շղթա՝ հոսանքի աղբյուրին հերթականորեն միացնելով հաղորդիչներ, որոնք միմյանցից տարբերվում են երկարությամբ, հաստությամբ կամ նյութի տեսակով:  Հաղորդիչներով անցնող հոսանքի ուժը  չափենք ամպերաչափի օգնությամբ:

 

 

Փորձը ցույց է տալիս, որ միևնույն հոսանքի աղբյուրի, այսինքն նույն լարման դեպքում տարբեր հաղորդիչներով անցնող հոսանքի ուժը տարբեր է: Այսինքն նրանք տարբեր կերպ են հակազդում իրենց միջով անցնող հոսանքակիր մասնիկներին:

Դիմադրության միավորը կոչվում է օհմ (Օմ), ի պատիվ գերմանացի գիտնական Գ. Օհմի, այն առաջինն է ներմուծել այդ մեծությունը:

 

 

Փորձը ցույց է տալիս, որ գլանաձև  հաղորդչի դիմադրությունը տվյալ ջերմաստիճանում կախված է նրա \(L\) երկարությանից, \(S\) լայնական հատույթի մակերեսից և նյութի տեսակից: Ընդ որում, հաղորդչի դիմադրությունը նրա \(L\) երկարությունից կախված է ուղիղ համեմատականորեն, իսկ \(S\) լայնական հատույթի մակերեսից՝ հակադարձ համեմատականորեն:

 

 

$R=\mathrm{\rho }\frac{l}{S}$ (1)

 

$\mathrm{\rho }$-ն նյութի տեսակարար դիմադրություննէ: (1) բանաձևից հետևում է, որ

 

$\mathrm{\rho }=\frac{R\cdot S}{l}$ 

 

Տեսակարար դիմադրության միավորն է \(1\)Օմ\(·\)մ: Սակայն գործնականում բարակ հաղորդիչների համար կիրառվում է \(1\)Օմ\(·\)մմ²/մ միավորը, որը հավասար է՝ $1{\text{Օմ}\cdot \text{մմ}}^2/\text{մ}={10}^{-6}\text{Օմ}\cdot \text{մ}$

Տվյալ նյութի տեսակարար դիմադրությունը կարելի է որոշել աղյուսակից, որտեղ բերված արժեքները համապատասխանում են \(20\)°\(C\) ջերմաստիճանին:

 

 

Ջերմաստիճանի փոփոխության դեպքում կփոխվի նաև նյութի տեսակարար դիմադրությունը: Աղյուսակից երևում է, որ ամենափոքր տեսակարար դիմադրություն ունեն հաղորդիչները՝ արծաթը, պղինձը, ոսկին: Իսկ մեկուսիչները՝ ճենապակին, էբոնիտը շատ մեծ տեսակարար դիմադրություն ունեն: