ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Բազմապատկման գործողության տեղափոխական հատկությունը
hayt.png
 
Շոկոլադի այս սալիկը բաղկացած է փոքրիկ կտորների \(4\) շարքերից, յուրաքանչյուր շարքում` \(7\) կտոր:
 
Ընդամենը քանի՞ կտորներից է բաղկացած սալիկը:
 
Այս խնդիրը լուծելու համար պետք է կատարել \(4 · 7\) բազմապատկումը:
 
Այսպիսով, սալիկը բաղկացած է \(28\) կտորներից:
 
Շրջենք նույն սալիկը:
 
shhh.png
 
Հիմա այն բաղկացած է փոքրիկ կտորների \(7\) շարքերից, յուրաքանչյուր շարքում` \(4\) կտոր:
 
Կտորների ընդհանուր թիվը կլինի \(7 · 4\):
 
Սա շոկոլադի նույն սալիկն է, և կտորների ընդհանուր թիվը շրջելուց չի փոխվում:
 
Գալիս ենք հետևյալ հավասարությանը՝ \(4 · 7 = 7 · 4\):
 
Եզրակացնում ենք, որ բազմապատկում կատարելիս արտադրիչների տեղերը կարելի է փոխել:
 
Սա բազմապատկման գործողության տեղափոխական հատկությունն է:
Արտադրիչների տեղերը փոխելիս արտադրյալը չի փոխվում:
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014: