Կլոր տասնյակների բազմապատկումը
Կինոթատրոնում կա \(20\) շարք, յուրաքանչյուր շարքում` \(40\) նստատեղ:
Ընդամենը քանի՞ նստատեղ կա կինոթատրոնում:
Այս խնդիրը լուծելու համար պետք է կատարել հետևյալ բազմապատկումը՝ \(20 · 40\)
Գոյություն ունի այս բազմապատկումը կատարելու հեշտ ձև: Պետք է անել հետևյալը.
- անտեսել արտադրիչների \(0\)-ները,
- կատարել ստացված թվերի բազմապատկումը,
- ստացված արտադրյալին աջից կցագրել բոլոր անտեսված \(0\)-ները:
Այսպիսով, անտեսում ենք \(20 · 40\) արտադրյալի արտադրիչների \(0\)-ները և կատարոմ ստացված թվերի բազմապատկումը՝ \(2 · 4 = 8\)
Ստացված \(8\) արտադրյալին աջից կցագրում ենք անտեսված երկու \(0\)-ն:
Ստանում ենք \(800\) թիվը:
Պատասխան՝ կինոթատրոնում կա \(800\) նստատեղ:
Կլոր տասնյակները բազմապատկելիս անտեսում ենք արտադրիչների վերջին \(0\)-ները, բազմապատկում ստացված թվերը, ապա արտադրյալին աջից կցագրում անտեսված \(0\)-ները:
\(3 · 4 = 12\) \(5 · 2 = 10\)
\(30 · 40 = 1200\) \(50 · 20 = 1000\)
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014: