ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Խնդրի պայմաններն ու պահանջը
Ցանկացած խնդրում տրված են լինում պայմաններ և պահանջվում է գտնել որևէ մեծություն:
 
Խնդիր \(1\)
  
Մայրիկը խնձորի համար վճարեց \(420\) դրամ, իսկ դեղձի համար՝ \(560\) դրամ:
 
Ընդամենը որքա՞ն դրամ մայրիկը վճարեց խնձորի և դեղձի համար:
 
RedApple.jpg  download.jpg
 
Այս խնդրի պայմաններն են.
 
- մայրիկը խնձորի համար վճարեց \(420\) դրամ
 
- մայրիկը դեղձի համար վճարեց \(560\) դրամ
 
Խնդրի պահանջն է գտնել, թե ընդամենը որքա՞ն դրամ վճարեց մայրիկը խնձորի և դեղձի համար:
 
Լուծում
  
Պետք է գումարել խնձորի և դեղձի համար մայրիկի վճարած գումարները ՝ \(420 + 560 = 980\) դրամ:
 
Պատասխան՝ մայրիկը ընդամենը վճարեց \(980\) դրամ:
 
Նույն պայմաններով կարելի է կազմել մեկ այլ խնդիր՝ փոխելով խնդրի պահանջը:
 
Խնդիր \(2\)
 
Մայրիկը խնձորի համար վճարեց \(420\) դրամ, իսկ դեղձի համար՝ \(560\) դրամ:
 
Որքա՞ն դրամ ավելի վճարեց մայրիկը դեղձի համար:
 
Լուծում
  
Պետք է դեղձի գնից հանել խնձորի գինը՝ \(560 - 420 = 140\) դրամ:
 
Պատասխան՝ մայրիկը դեղձի համար վճարեց \(140\) դրամով ավելի:
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014: