ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Ժամանակի հաշվումը
Դու արդեն գիտես, թե ինչպե՞ս գտնել մարմնի անցած ճանապարհը, եթե տրված են շարժման արագությունն ու ծախսած ժամանակը:
Մարմնի անցած ճանապարհը հավասար է նրա շարժման արագության և ծախսած ժամանակի արտադրյալին:
Դիտարկենք հետևյալ խնդիրը:
 
gibridnyiy-velosiped.jpg
 
Հեծանվորդը \(15\) կմ/ժ արագությամբ շարժվելով անցավ \(45\) կմ:
Որքա՞ն ժամանակ ծախսեց հեծանվորդը այդ ճանապարհի վրա:
 
Քանի որ \(15 · 3 = 45\), ապա հեծանվորդը ճանապարհի վրա ծախսեց \(3\) ժամ:
 
\(3\) ժամը \(15 · 3 = 45\) հավասարությունից ստացվում է
\(3 = 45 : 15\) բաժանման միջոցով:
 
Սա ընդհանուր կանոն է:
 
ճճճճճճճ.png                                                                         
Մարմնի ծախսած ժամանակը հավասար է անցած ճանապարհի և արագության քանորդին:
Այսպիսով, եթե մարմինը շարժվում է հաստատուն (չփոխվող) արագությամբ, ապա միշտ կարելի է գտնել նրա ծախսած ժամանակը, եթե տրված են անցած ճանապարհն ու արագությունը:
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Ռ. Սարգսյան, Մաթեմատիկա 4-րդ դասարան, Զանգակ, 2013