![](https://www.imdproc.am/upload/yp2/nkar.png)
![](https://www.imdproc.am/upload/yp2/lala1.png)
![](https://www.imdproc.am/upload/yp2/lala2.png)
![](https://www.imdproc.am/upload/yp2/text11.png)
![](https://www.imdproc.am/upload/yp2/text12.png)
![](https://www.imdproc.am/upload/yp2/text13.png)
![](https://www.imdproc.am/upload/yp2/text0.png)
![](https://www.imdproc.am/upload/yp2/zang1.png)
![](https://www.imdproc.am/upload/yp2/zang2.png)
![](https://www.imdproc.am/upload/yp2/check.png)
![](https://www.imdproc.am/upload/yp2/text21.png)
![](https://www.imdproc.am/upload/yp2/check.png)
![](https://www.imdproc.am/upload/yp2/text22.png)
![](https://www.imdproc.am/upload/yp2/check.png)
![](https://www.imdproc.am/upload/yp2/text23.png)
![](https://www.imdproc.am/upload/yp2/logo.png)
![](https://www.imdproc.am/upload/yp2/hamar.png)
Առարկա, գործողություն, հատկանիշ
Ի՞նչ (ինչե՞ր), ո՞վ (ովքե՞ր) հարցերին պատասխանող բառերը ցույց են տալիս առարկա:
Օրինակ
ի՞նչ - խնձոր, ինչե՞ր - խնձորներ, ո՞վ - զինվոր, ովքե՞ր - զինվորներ:
Եթե նկատեցիր, առարկա ցույց տվող բառերից միայն մարդկանց անուններն ու անվանումներն են պատասխանում ո՞վ, ովքե՞ր հարցերին:
Առարկա ցույց տվող մնացած բոլոր բառերը, այդ թվում և կենդանիների անվանումները, պատասխանում են ի՞նչ, ինչե՞ր հարցերին:
Օրինակ
ո՞վ - մայր
ովքե՞ր - աղջիկներ
ի՞նչ - վերմակ
ինչե՞ր - սփռոցներ
Առարկա ցույց տվող բառերից շատերը այնպիսի առարկաներ են ցույց տալիս, որոնք մենք կարող ենք ձեռք տալ, շոշափել (նուռ, մանուշակ, կատու): Սակայն կան այնպիսի բառեր, որոնց ցույց տված առարկաները անհնար է շոշափել (վախ, ուրախություն, զարմանք):
![1-18.png](https://resources.cdn.imdproc.am/76c25e79-fc88-46cb-8f84-bae00b7637d1/1-18.png)
![1-17.png](https://resources.cdn.imdproc.am/35cfc9c9-eb7f-40f4-a78c-dd0149495812/1-17.png)
![1-14.png](https://resources.cdn.imdproc.am/ed6cf30d-4f46-42ee-ac16-7d1333090470/1-14.png)
Երգել, կարդալ, խաղալ բառերը ցույց են տալիս այն գործողությունները, որոնք կատարում է երեխաներից յուրաքանչյուրը:
Ի՞նչ է անում, ի՞նչ է լինում հարցերին պատասխանող բառերը ցույց են տալիս գործողություն:
Օրինակ
Արմենը վազում է (ի՞նչ է անում):
Աշնանը խաղողը հասնում է (ի՞նչ է լինում):
Օրը մթնում է (ի՞նչ է լինում):
![1-25.png](https://resources.cdn.imdproc.am/e491164b-640a-466e-abab-1f5ccd2a651e/1-25.png)
Եթե հարցնեն, թե ինչ է պատկերված, կպատասխանենք խնձոր: Բայց չէ՞ որ խնձորները տարբեր են լինում՝ կարմիր կամ դեղին, համեղ կամ անհամ, հյութեղ, հասուն և այլն: Ճիշտ այդպես էլ անձրևները լինում են հորդառատ, գետերը՝ վարար, շենքերը՝ բարձրահարկ և այլն:
Ահա այսպես ամեն առարկա, լինի դա մարդ, կենդանի թե անշունչ մի իր, ունի իր հատկությունները՝ հատկանիշները:
Ինչպիսի՞ հարցին պատասխանող բառերը հատկանիշ ցույց տվող բառեր են:
Օրինակ
կարմրաթուշ խնձոր, հյութալի խնձոր, համեղ խնձոր բառակապակցություններում կարմրաթուշ, հյութալի, համեղ բառերը ցույց են տալիս, թե ինչպիսին է խնձորը: