ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Թվերի հայկական գրառումը
Հաճախ խնդիրները համարակալելիս մենք օգտագործում ենք հայերեն տառերը:
 
Օրինակ՝ ա, բ, գ, դ և այլն:
 
Հաճախ հայերեն տառերով են համարակալվում դպրոցի դասարանները:
 
Օրինակ` \(4\)ա, \(4\)բ, \(4\)գ և այլն:
 
Հետևյալ աղյուսակի միջոցով կարելի է պարզել, թե հայերեն ո՞ր տառին, ո՞ր թիվն է համապատասխանում:
  
hay1.png
 
Հայերեն տառերի միջոցով կարելի է կատարել գումարում:
 
Հայերեն տառերը գումարելիս գումարման նշանը չեն դնում:
 
Օրինակ՝
 
\(Ե + Ա\)-ի փոխարեն գրում են \(ԵԱ\),
 
\(Է + Բ\)-ի փոխարեն գրում են \(ԷԲ\):
Օրինակ
Գտնենք \(ԵԱ\)-ն: Դրա համար պետք է կատարել \(Ե + Ա\) գումարումը:
 
Համաձայն աղյուսակի՝ \(Ե = 5\), \(Ա = 1\)
 
Քանի որ \(5 +1 = 6\), ապա աղյուսակից ստանում ենք՝ \(6 = Զ\):
 
Պատասխան՝ \(ԵԱ = Զ\):
Ավելի մեծ թվերը հայերեն տառերով գրելու համար օգտագործում են հետևյալ աղյուսակը.
 
hay2.png
 
Բերված երկու աղյուսակների և գումարման գործողության միջոցով գրվում են մյուս թվերը:
 
Պարզենք, թե ինչպե՞ս կգրվի, օրինակ՝ \(38\) թիվը:
Օրինակ
\(38\) թիվը ներկայացնենք \(38 = 30 + 8\) տեսքով:
 
Աղյուսակներից տեսնում ենք, որ \(30 = Լ\), \(8 = Ը\)
 
Ուրեմն, \(38 = 30 + 8\) թիվը կգրվի \(Լ + Ը = ԼԸ\) տեսքով:
 
Պատասխան՝ \(38 = ԼԸ\)
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Մաթեմատիկա 3-րդ դասարան, Զանգակ, 2014