ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Արագության գաղափարը
Հեծանվորդը \(1\) ժամում անցավ \(25\) կմ:
 
Որքա՞ն ճանապարհ կանցնի հեծանվորդը \(2\) ժամում, եթե շարժվի նույն ձևով (չարագանա և չդանդաղի):
 
shutterstock_333019694.jpg  
ճճճ.png
 
Պարզ է, որ նույն ձևով շարժվելով հեծանվորդը երկրորդ ժամում կանցնի ևս \(25\) կմ և արդյունքում՝ \(2\) ժամում անցած կլինի \(25 + 25 = 50\) կմ:
 
Երեք ժամ շարժվելով հեծանվորդը կանցնի \(25 + 25 + 25 = 75\) կմ հեռավորություն:
Միավոր ժամանակում մարմնի անցած ճանապարհը կոչվում է նրա շարժման արագություն:
Որպես ժամանակի միավոր շարժման խնդիրներում հաճախ օգտագործվում է ժամը
 
Սակայն կարելի է օգտագործել րոպեն, վայրկյանը և ժամանակի այլ միավորներ:
 
Ներքևի նկարում մեքենան \(1\) ժամում անցավ \(85\) կմ և շարունակեց շարժվել նույն ձևով՝  չարագացավ և չդանդաղեց:
 
Mercedes-Benz-S-Class-W222-2014-face.jpg                                                                                                          
ճճճճ.png
 
Այդ դեպքում ասում են, որ մեքենան շարժվում է ժամում \(85\) կմ արագությամբ կամ մեքենայի արագությունը \(85\) կմ/ժ է:
 
Եթե մեքենան շարժվում է հաստատուն (չփոխվող) արագությամբ և արագությունը տրված է, ապա միշտ կարելի է պարզել, թե քանի՞ կմ նա անցավ տրված ժամանակում:
 
Օրինակ՝ վերևի նկարի մեքենան, որի արագությունը \(85\) կմ/ժ է,
 
\(3\) ժամում կանցնի \(3 · 85 = 255\) կմ,
 
\(4\) ժամում կանցնի \(4 · 85 = 340\) կմ,
 
\(5\) ժամում կանցնի \(5 · 85 = 425\) կմ:
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Ռ. Սարգսյան, Մաթեմատիկա 4-րդ դասարան, Զանգակ, 2013