ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Թվի գրառումը
Կախված թվի գրառման թվանշանների քանակից՝ թվերը կոչվում են.
 
միանիշ (մեկ թվանշան), երկնիշ (երկու թվանշան), եռանիշ (երեք թվանշան) և այլն:
Օրինակ
ա. \(9\) թիվը միանիշ է՝ այն գրվում է մեկ թվանշանի միջոցով:
 
բ. \(33\) թիվն ունի \(3\) տասնյակ և \(3\) միավոր:
Այս թիվը գրվում է երկու թվանշանի միջոցով (\(3\) թվանշանը կրկնվում է երկու անգամ), ուրեմն, այն երկնիշ է:
 
գ. \(468\) թիվն ունի \(4\) հարյուրյակ, \(6\) տասնյակ և \(8\) միավոր:
Այս թիվը գրվում է երեք թվանշանի միջոցով, ուրեմն, այն եռանիշ է:
 
դ. \(3552\) թիվն ունի \(3\) հազար, \(5\) հարյուր, \(5\) տասնյակ և \(2\) միավոր:
Այս թիվը գրվում է չորս թվանշանի միջոցով, ուրեմն, այն քառանիշ է:
 
Դիտարկենք \(5327\) թիվը:
 
Սա հինգ հազար երեք հարյուր քսանյոթ թիվն է: Այն քառանիշ թիվ է:
  
raz6.png
 
Թվանշանի տեղը թվի գրառման մեջ կոչվում է կարգ:
\(5327\) թիվն ունի չորս կարգ՝ հազարավորների, հարյուրավորների, տասնավորների և միավորների:
 
- հազարավորների կարգում \(5\)-ն է: Այն ցույց է տալիս, թե քանի հազարյակ կա \(5327\) թվում,
- հարյուրավորների կարգում \(3\)-ն է: Այն ցույց է տալիս, թե քանի հարյույակ կա \(5327\) թվում,
- տասնավորների կարգում \(2\)-ն է: Այն ցույց է տալիս, թե քանի տասնյակ կա \(5327\) թվում,
- միավորների կարգում \(7\)-ն է: Այն ցույց է տալիս, թե քանի միավոր կա \(5327\) թվում:
 
Եռանիշ թվերն ունեն ընդամենը երեք կարգ՝ հարյուրավորների, տասնավորների և միավորների:
 
Screenshot_1.jpg
 
Իսկ սա երկու հարյուր հիսունյոթ հազար չորս հարյուր քսանվեց թիվն է: Այն վեցանիշ թիվ է:
 
raz7.png
 
\(257426\) թիվն ունի վեց կարգ՝ հարյուրհազարավորների, տասհազարավորների, հազարավորների, հարյուրավորների, տասնավորների և միավորների:
 
- հարյուրհազարավորների կարգում գրված է \(2\)-ը: Այն ցույց է տալիս, թե քանի հարյուրհազարյակ կա \(257426\) թվի հարյուրհազարավորների կարգում,
- տասհազարավորների կարգում գրված է \(5\)-ը: Այն ցույց է տալիս, թե քանի տասհազարյակ կա \(257426\) թվի տասհազարավորների կարգում,
- հազարավորների կարգում գրված է \(7\)-ը: Այն ցույց է տալիս, թե քանի հազարյակ կա \(257426\) թվի հազարավորների կարգում,
- հարյուրավորների կարգում գրված է \(4\)-ը: Այն ցույց է տալիս, թե քանի հարյույակ կա \(257426\) թվի հարյուրավորների կարգում,
- տասնավորների կարգում գրված է \(2\)-ը: Այն ցույց է տալիս, թե քանի տասնյակ կա \(257426\) թվի տասնավորների կարգում,
- միավորների կարգում գրված է \(6\)-ը: Այն ցույց է տալիս, թե քանի միավոր կա \(257426\) թվի միավորների կարգում:
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Ռ. Սարգսյան, Մաթեմատիկա 4-րդ դասարան, Զանգակ, 2013