ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Կարգային միավորներ
Դու արդեն գիտես, թե թվի գրառության մեջ ինչ է ցույց տալիս յուրաքանչյուր կարգում գրված թվանշանը:
Օրինակ
\(254647\) թվի գրառման մեջ \(4\) թիվը գրված է երկրորդ և չորրորդ կարգերում:
 
Տասնյակների (երկրորդ) կարգում գրված \(4\)-ը ցույց է տալիս, որ թվի գրառման մեջ կա չորս տասնյակ,
 
Հազարավորների (չորրորդ) կարգում գրված \(4\)-ը ցույց է տալիս, որ թվի գրառման մեջ կա չորս հազարյակ: 
 
Թվերի գրառման մեջ կան միավորների, տասնավորների, հարյուրավորների, հազարավորների և այլ կարգեր:
\(1\), \(10\), \(100\), \(1000\), \(10000\),... թվերը կոչվում են կարգային միավորներ
Screenshot_3.png
Այսպիսով, թվի գրության յուրաքանչյուր թվանշան ցույց է տալիս, թե տվյալ կարգում քանի կարգային միավոր կա:
Օրինակ
\(324098\) թվի գրառման մեջ՝
 
\(8\)-ը ցույց է տալիս, որ թվի գրառման առաջին կարգում կա ութ միավոր
\(9\)-ը ցույց է տալիս, որ թվի գրառման երկրորդ կարգում կա ինը տասնյակ
\(0\)-ն ցույց է տալիս, որ թվի գրառման երրորդ կարգում հարյուրյակ չկա,
\(4\)-ը ցույց է տալիս, որ թվի գրառման չորրորդ կարգում կա չորս հազարյակ
\(2\)-ը ցույց է տալիս, որ թվի գրառման հինգերորդ կարգում կա երկու տասհազարյակ
\(3\)-ը ցույց է տալիս, որ թվի գրառման վեցերորդ կարգում կա երեք հարյուրհազարյակ: 
Աղբյուրները
Ս. Մկրտչյան, Ս. Իսկանդարյան, Ա. Աբրահամյան, Ռ. Սարգսյան, Մաթեմատիկա 4-րդ դասարան, Զանգակ, 2013