Խառը թվի գաղափարը — դաս։ Մաթեմատիկա, 5-րդ դասարան.

Խառը թվի գաղափարը

\(3\) երեխա

\(5\) խնձոր

Ինչպե՞ս հավասար բաժանել \(5\) խնձորը երեք երեխաների միջև:

Սկզբում պետք է յուրաքանչյուր երեխայի տալ մեկական ամբողջ խնձոր, հետո մնացած \(2\) խնձորը բաժանել \(3\) հավասար մասերի:

Յուրաքանչյուր երեխայի կհասնի \(2\) այդպիսի մաս, այսինքն՝ մեկ ամբողջ խնձորի

\frac{2}{3}

-րդ մասը:

Յուրաքանչյուր երեխա ստանում է

1 + \frac{2}{3}

խնձոր:

Հաճախ դա գրում են այսպես՝

1 \frac{2}{3}

և կարդում՝ «մեկ ամբողջ երկու երրորդ»:

\(1\)-ը կոչվում է ամբողջ մաս, իսկ

\frac{2}{3}

-ը՝ կոտորակային մաս:

Այն թիվը, որն ունի ամբողջ և կոտորակային մասեր կոչվում է խառը թիվ:

2 \frac{3}{4}

՝ երկու ամբողջ, երեք չորրորդ: \(2\)-ը ամբողջ մասն է, իսկ

\frac{3}{4}

-ը՝ կոտորակային:

105 \frac{6}{7}

՝ հարյուր հինգ ամբողջ, վեց յոթերորդ: \(105\)-ը ամբողջ մասն է, իսկ

\frac{6}{7}

-ը կոտորակային:

Աղբյուրները

Բ. Նահապետյան, Ա. Աբրահամյան, Մաթեմատիկա 5-րդ դասարան, Մակմիլան-Արմենիա, 2006:

Սխա՞լ ես գտել

2. Խառը թվի գաղափարը