Մնացորդով բաժանում
Կատարենք \(131 : 5 = 26\) (\(1\) մնացորդ) բաժանումը:
Այսպիսի դեպքերում ասում են, որ բաժանումը կատարված է մնացորդով:
Բաժանման մասնակիցները՝
\(131\)-ը կոչվում է բաժանելի,
\(5\)-ը կոչվում է բաժանարար,
\(26\)-ը կոչվում է թերի քանորդ,
\(1\)-ը կոչվում է մնացորդ:
Կատարենք ստուգում՝ \(131 = 5 · 26 + 1:\)
Մնացորդով բաժանման ժամանակ կատարվում է հետևյալ հավասարությունը՝ \(a = b · с + r\), որտեղ, \(a\)-ն բաժանելին է, \(b\)-ն՝ բաժանարարը, \(с\)-ն՝ թերի քանորդը, \(r\)-ը՝ մնացորդը:
\(5\)-ի բաժանելիս ուշադրություն դարձրու մնացորդների վրա:
\(135 : 5 = 27\) (\(0\) մնացորդ)
\(136 : 5 = 27\) (\(1\) մնացորդ
\(134 : 5 = 26\) (\(4\) մնացորդ)
\(133 : 5 = 26\) (\(3\) մնացորդ)
\(132 : 5 = 26\) (\(2\) մնացորդ) և այլն: Նկատում ենք, որ \(5\)-ի բաժանելիս մնացորդում մնում են միայն \(0, 1, 2, 3, 4\) թվերը, այսինքն՝ այն թվերը, որոնք փոքր են \(5\)-ից (ստուգիր մյուս թվերի դեպքում):
Ուշադրություն
Մնացորդը միշտ փոքր է բաժանարարից:
Այն դեպքերում, երբ մնացորդը հավասար է \(0\)-ի, ասում են, որ բաժանումը կատարվել է անմնացորդ:
Աղբյուրները
Բ. Նահապետյան, Ա. Աբրահամյան, Մաթեմատիկա 5-րդ դասարան, Մակմիլան-Արմենիա, 2006: