ՀԱՐՍՏԱՑՐՈՒ ԳԻՏԵԼԻՔՆԵՐԻԴ ՊԱՇԱՐԸ
Ակտիվացրու «Իմ+»-ը գերազանց գնահատականներ ստանալու համար
Ստեղծեք Ձեր ուսումնական ծրագիրը «ԻմԴպրոց» կայքում
Ստացեք հաշվետվություն Ձեր ուսումնական ծրագիր արդյունավետության վերաբերյալ
Օգտագործեք Ձեր առաջադրանքները ստուգողական աշխատանքներում

Տեսություն

Վանկ
Մենք հաճախ օդի մեկ մղումով որևէ հնչյուն կամ հնչյունների խումբ ենք արտասանում: Այդ հնչյունը կամ հնչյունախումբը վանկն է:
Եթե բառերը մեկ վանկ ունեն, միավանկ են, օրինակ՝ համ, բուն, տուն, սար, հայր, մայր և այլն: Երկու և ավելի վանկ ունեցող բառերը բազմավանկ են, օրինակ՝ սե-ղան \((2\) վանկ\()\), գա-րուն \((2\) վանկ\()\), դա-սա-րան \((3\) վանկ\()\), պաղ-պա-ղակ \((3\) վանկ\()\), հո-գե-վի-ճակ \((4\) վանկ\()\) և այլն: 
 
Վանկ կկազմվի, եթե լինի ձայնավոր հնչյուն, այսինքն՝ առանց ձայնավորի վանկ չկա: Հետևաբար որքան ձայնավոր կա, այնքան էլ վանկ կլինի: Օրինակ՝ գույն բառում կա միայն մեկ ձայնավոր հնչյուն՝ ու, ուրեմն բառը միավանկ է: Գիշեր բառում կան \(2\) ձայնավորներ՝ ի և է/ե/, բառը երկվանկ է:
Այն վանկը, որ միայն ձայնավոր հնչյունից է կազմված, կամ որ ավարտվում է ձայնավոր հնչյունով, կոչվում է բաց:
Օրինակ
ա-պա-կի, ա-ռու, ա-կա-մա:
Այն վանկը, որ վերջանում է բաղաձայն հնչյունով, կոչվում է փակ:
Օրինակ
կար-պետ, պատ-շար, թախ-ծոտ և այլն:
Երբ բառերը վանկերի ենք բաժանում, հաճախ լսում ենք հնչյուն, որը չենք գրում: Լսվող, բայց չգրվող հնչյուն ունեցող վանկը կոչվում է գաղտնավանկ:
Օրինակ
բը-նա-կան, մա-նըր, մըր-գա-ման: