Նոյեմբեր ամսվա Ամենագետները

Սիրելի՛ ԻմԴպրոցականներ, 

   Ինչպես արդեն գիտեք, «ԻմԴպրոց»-ն ամեն ամիս կազմակերպում է առցանց խաղարկություն յուրաքանչյուր ամսվա առավելագույն միավորներ վաստակած աշակերտների համար։ Խաղարկությունն անցկացվում է ԻմԴպրոցի ֆեյսբուքյան էջի ուղիղ հեռարձակմամբ։

Խաղարկության նպատակն է նման կերպով էլ ավելի ոգևորել երեխաներին՝ նպաստելով ինքնակրթությանը:

   Նոյեմբեր ամսվա խաղարկությունն անցկացվելու է դեկտեմբերի 2-ին՝ ժամը 17։00-ին։

🤔 Արդյոք գիտե՞ք ինչ նվերներ է պատրաստել «ԻմԴպրոց»-ն այս անգամ․ 

2-4-րդ դասարանների համար հիդրոտեխնիկական մեխանիկական խաղ-սարք, որը զարգացնում է երեխայի բնագիտական, տեխնոլոգիական, ճարտարագիտական և մաթեմատիկակական (STEAM) առարկաների հմտությունները։ 

Իսկ 5-9-րդ դասարանների համար՝ Digit Single փազլ-խաղ, որն օգնում է մարզել ուղեղը, զարգացնել տրամաբանական մտածողությունը։

🥰 Հիշեցնենք նաև, որ այս անգամ ևս շա՜տ անակնկալներ են լինելու։

  📣  ՈՒՇԱԴՐՈՒԹՅՈՒՆ

      ԹՈՓ միավոր է համարվում ոչ թե այն ամբողջական թիվը, որը ցուցադրված է օգտատերի էջում, այլ ՄԻԱՅՆ տվյալ ամսվա ընթացքում հավաքած միավորների քանակը։ Նշենք նաև, որ ամեն ամիս նվազագույն ԹՈՓ միավորների սանդղակը տարբերվում է, քանի որ այն կախված է կայքում աշակերտների ակտիվությունից, որը կարող է յուրաքանչյուր ամիս փոփոխվել։

      ԹՈՓ 100 լավագույն աշակերտների ցանկում հայտնվելն արդեն իսկ հաղթանակ է, ուստի այդ ցանկի բոլոր աշակերտները կստանան պատվոգրեր «ԻմԴպրոց»-ի կողմից։ Պատվոգրերն ուղարկվելու են ԹՈՓ 100 ցանկում հայտնված աշակերտների դպրոցների էլ․ հասցեներին էլեկտրոնային տարբերակով

Պատրա՞ստ եք իմանալու նոյեմբեր ամսվա ԹՈՓ 100 ցանկում հայտնված աշակերտների  անունները․

  Դե ինչ, կհանդիպենք ուղիղ եթերում և միասին կամփոփենք նոյեմբեր ամսվա արդյունքները։

❤️ Մաղթում ենք հաջողություն բոլորին։