Եվ (և) - ի արտասանությունը և ուղղագրությունը
Մեսրոպ Մաշտոցի ստեղծած այբուբենում և տառ չի եղել. սա ստեղծվել է հետագայում` ե + ւ = և:
Ուշադրություն
Հայերենում մեծատառ և չկա: Մեծատառի դերով հանդես է գալիս Եվ տառակապակցությունը:
[Յեվ] հնչյունակապակցությունը եվ տառերով է գրվում հետևյալ դեպքերում.
• Եթե ե-ից հետո լսվող և գրվող վ-ն մի ուրիշ արմատի կամ բառի սկզբնատառն է:
Օրինակ՝ հոգեվիճակ = հոգի + ա + վիճակ, գինեվաճառ = գինի + ա + վաճառ, ոսկեվառ = ոսկի + ա + վառ և այլն:
Տողադարձի ժամանակ, երբ և-ը գրվում է եվ. վ-ն անցնում է հաջորդ տող:
Օրինակ՝ բարե - վել, անձրե - վել:
• Հատուկ անունների սկզբում, օրինակ` Եվա, Եվգինե, Եվրոպա, Եվրասիա, Եվդոկիա, Եվրախորհուրդ, Եվրատեսիլ և սրանցից կազմված բառերում, որոնք արդեն գրվում են փոքրատառով, օրինակ` եվրոպացի, եվրոպական, եվրասիական, արևմտաեվրոպական, հարավեվրոպական և այլն:
• Հիշել՝ եթե բառին ավելանում է վ հնչյունով սկսվող վերջածանց, ապա գրվում է և:
Օրինակ՝ հոգի ա+ վոր = հոգևոր, ուղի + ա + վոր = ուղևոր, ունի + ա + վոր = ունևոր և այլն: